Etxanobe: "Ez genuke Urdaibaiko Guggenheim museoa egingo uste bagenu ingurua hondatuko dela"
Elixabete Etxanobe Bizkaiko ahaldun nagusi berriak Urdaibaiko Guggenheim museoaren defentsa egin du Euskadi Irratiko Faktorian emandako elkarrizketan: "Ez genuke egingo uste bagenu ingurua hondatuko dela".
Ahaldun nagusiak ukatu du proiektuak kalte atzeraezinak sortuko dituenik, zenbait talde ekologistak ohartarazten duten moduan. Azaldu duenez, proiektuan bertan "oso neurtuta" dago zenbait bisitari egon ahalko diren. "Proiektua lantzeko orduan hori da gehien hartu den kontuan", gehitu du.
Etxanoberen ustez, museoa "herri proiektu" bat da, eta "behar ditugun konplizitate guztiak" sortzen saiatuko dira. "Ongarria izango da, bere denboran, Bilboko Guggenheim museoa izan zen moduan", esan du.
Usansolo Galdakaotik bereizteko prozesua ere aipatu du jeltzaleak. Espainiako Gobernuak emandako ezezkoari helegitea jarriko dio Aldundiak. Zerbitzu juridikoek egoera aztertzen jarraitzen dute, baina errekurtsoa ziurra da, bereizteak foru arauaren baldintza guztiak betetzen dituelako. Ez du argitu, hala ere, zein bidetatik joango den.
Bestalde, Bizkaiko udalak finantzatzeko modua gaur egun biztanleriaren arabera egiten dela azaldu du, eta zenbait udalek nahi duten aldaketa Eudel eta Aldundia egiten ari den azterketa teknikotik abiatu behar dela uste du. "Gai garrantzitsuenetariko bat da" foru gobernuarentzat.
Etxanobek ez dio eperik jarri zerga sistemaren erreformari. Bidezkoa dela uste du Etxanobek, eta gainera "baliabide nahiko ematen digu zerbitzu guztiak finantzatzeko". Horren harira, edozein aldaketa egin baino lehen, "azterketa bat egin" eta aldaketa "adostu" behar da. "Ez litzateke egokia nire aldetik esatea zer aldatu behar den", esan du.
Foru gobernuaren osaketarako "profil egokiak" aukeratu ditu ahaldun nagusiak, eta diputatu gehienak emakumeak dira exekutibo berrian: "Espero dut emakumeak horrelako toki batean egoteak beste emakume batzuei laguntzea, ikus dezaten posible dela eta lehenengo lerrora animatzeko".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.