U23ko kanpainak ez du aparteko arretarik piztu Hego Euskal Herrian
Uztailaren 23an egitekoak diren hauteskunde orokorrek ez dute aparteko interesik sortu Hego Euskal Herrian, EITB Focus galdeketak azaleratu duenez. Izan ere, EAEko biztanleriaren % 9k bakarrik jarraitu ditu aurrekoak baino "biziago", eta Nafarroan jarraipena halako bi den arren (% 18), oro har, gehiago izan dira aurreko aldietan bezainbat segitu dituztenak (% 44 inguru dira bi lurraldeetan) edo, ohi bezala, batere jarraipenik egin ez dutenak (10etik ia 4).
Inkesta 3.315 pertsonari telefonoz itaunduta (2.400 EAEn eta 915 Foru Erkidegoan) egin zuten joan den ekainaren 28tik uztailaren 11ra. Bozkak nork irabaziko dituen galdetuta, gehienek PPri eman diote garaipena, PSOEren kaltetan: itaunari erantzun dioten nafarren erdiak (% 56k) aipatu dute aukera hori; EAEn, hala uste dute 10 herritarretik 4k.
Halaber, herenak baino gutxiagok jo du Pedro Sanchez sozialista irabazle. Aipagarria da boto-emaile gazteenek (18 eta 44-50 urte artekoek) dutela argien Alberto Nuñez Feijooren garaipena: adin horretako nafarren % 60k baino gehiagok uste du horrela, eta % 45ek baino gehiagok, EAEn.
NORK_IRABAZIKO_DU_GE
Bestalde, herritarrek ez dute uste, hauteskundeen ondotik, EAEko eta Nafarroako alderdiek Madrilen eragin handiagoa izango dutenik. Nafarroan, gainera, zabalduago dago iritzi hori, 10etik 6k hala irizten baitiote. EAEn berdinduago daude bi aukerak, "ez" erantzun dutenak gehiago badira ere (% 44, baiezkoa esan dutenen % 36ren aldean).
ALDERDI_POLITIKOEN_JARDUNA_GE
Aitor Esteban jeltzalea, onarpen maila altuenarekin
Kongresurako EAEko hautagaiez herritarrek duten ezagutza eta onarpen maila aztertuta, bik bakarrik lortu dute gainditzea: Mertxe Aizpuruak (EH Bildu) eta Aitor Estebanek (EAJ), eta azken hori da onarpen maila altuena duena —10etik 6.5eko nota erdietsi du, EITB Focus batean politikari bati inoiz emandako nota altuena; eta hautagai subiranistak, 5.7koa—.
5etik behera, Patxi Lopez (PSE-EE) eta Lander Martinez (Sumar) ia berdinduta ageri dira, hurrenez hurren, 4.7 eta 4.6 eskuratuta. Javier de Andres popularrak eskuratu du nota txarrena: 2.2.
Dena dela, Patxi Lopez lehendakari sozialista izandakoa da jendeak gehien ezagutzen duen hautagaia (% 92), eta balorazio onena duten biek (Estebanek eta Aizpuruak) % 70eko ezagutza maila dute. Herritarren erdiek diote De Andres (PP) eta Martinez (Sumar) ezagutzen dituztela.
HAUTAGAIEN_BALORACIOA_EAE_GE
Nafarroako hautagaiek ez dute gainditzea lortu
Okerragoa da Nafarroako herritarrek hautagaiez duten iritzia, eta bakar batek ere ez du 10etik 5eko nota erdietsi. Nolanahi ere, langara iristear izan da Bel Pozueta EH Bilduko zerrendaburua, 4.9 lortuta. Segidan ageri dira Idoia Villanueva (Sumar) eta Maria Solana (Geroa Bai), biak ala biak 4.5eko notarekin. Alberto Catalan erregionalistak eta Santos Cerdan sozialistak 10etik 4ko balorazioa eskuratu dute. Eduardo Gutierrez de Cabiedesek (Vox) eta Sergio Sayasek (PP) eskuratu dituzte nota txarrenak, 3.2, hain justu.
Alberto Catalan (UPN) Nafarroako Parlamentuko presidente izandakoa da nafarren artean ezagunena (% 61ek hala dio), eta hurbil du (% 58) ezagutza mailan Sergio Sayas UPNko diputatu ohia (orain PP). Tarte batera (% 45) dago Santos Cerdan sozialista. Nabarmentzeko modukoa da hobekien baloratutako hautagai izanagatik, Bel Pozueta ez dela ezagunena (herritarren % 35ek ezagutzen dute), eta antzeko ezagutza mailak dituzte baita Idoia Villanuevak (Sumar) eta Maria Solanak (Geroa Bai) ere.
Fitxa teknikoak:
EAE (Gizaker enpresa)
EAEn bizi diren 2.400 pertsona (800 lurralde historiko bakoitzean).
Le = ± % 2,00, % 95eko konfiantza-maila, p = q = 0 '5, EAEren datuetarako, ± % 3,46 Lurralde Historikoen araberako datuetarako.
Lurralde historikoaren, udalerriaren, sexuaren eta adinaren arabera geruzatutako ausazko lagina.
Inkesten % 28,2 euskaraz egin dira, eta gainerako % 71,8 gaztelaniaz.
Inkestatutako udalerrien populazio-tamainaren arabera haztatutako guztizko emaitzak.
Navarra
Foru Erkidegoan bizi diren 915 pertsona (300 Iruñean eta 615 gainerako udalerrietan).
Em= ± % 3,3, % 95,5eko konfiantza-maila.
Albiste gehiago politika
Rodriguez: "Herri hau berriro zutitu behar da bloke neofrankistari ozen esateko ezin izan zutela, ezin dutela eta ezingo dutela"
"Garai zailak bizi ditugu, eta are ilunagoak etor daitezke, baina herri honek eta nazio askapen mugimenduak badakite zer den hori. Frankismoari, torturari eta gerra zikinari eurre egiteko gai izan ginen, estrategiaz aldatu eta ziklo politiko berri bat irekitzeko, eta gai izango gara herri hau independentziara eta sozialimora eramateko ere", azpimarratu du Sortuko idazkari nagusiak.
Begoña Gomez ez da aurkeztu epailearen aurrean, herri-epaimahai batek epaitzeko prozesuaren baitan
Espainiako Gobernuko presidentearen emaztea herri-epaimahai batek epaitu ahal izateko izapidea zen, ustez diru publikoa bidegabe erabiltzea egotzita. Cristina Alvarez, Gomezen aholkularia, eta Francisco Martin, Gobernuaren ordezkaria Madrilen, ere ez dira aurkeztu.
EAJk igande honetan Alderdi Eguna ospatuko duen zelaietan egon dira goizean Pradales eta Esteban
Igande honetan 49. edizioa izango duen Alderdi Egunean zentralitatea aldarrikatuko dute jeltzaleek. Forondan egingo dute ekitaldia, "Batzen gaituzten hariak" lelopean.
Txiki eta Otaegiren "faxismoaren aurkako borroka" babestu du EHKSk fusilamenduen 50. urteurrenean
EHKSk ekitaldi politikoa egin du gaur eguerdian Zarautzen, "Atzoko eta gaurko faxismoaren aurka", Juan Paredes 'Txiki' eta Angel Otaegi ETAko kideen fusilamenduaren 50. urteurrena dela eta. Frankismoaren kontra borrokatu zirenei omenaldia egin eta gaur egun ere borroka antifaxista beharrezkoa dela nabarmendu dute ekitaldian.
Eneko Andueza: "Hilda daude batzuen independentzia nahiak"
Eneko Andueza PSE-EEko idazkari nagusiak estatutuari buruz hitz egin du Durangon egin duten Arrosaren Jaian. Euskal sozialisten buruak argi utzi du ez dutela "identitateen estatutu bat" babestuko.
PSE-EE "Euskadi gidatzeko prest" dagoela aldarrikatu du Anduezak
EAEko sozialisten idazkari nagusiak gobernu maila guztietan duten papera nabarmendu du, eta egonkortasun, aurrerapen eta kohesio aro berri baten buruzagitza hartzeko gaitasun handiena dutela esan du.
50 urte Txiki eta Otaegi fusilatu zituztela: senideek memoria eta aitortza aldarrikatzen dituzte
Mende erdi joan da frankistek Jon Paredes Txiki eta Angel Otaegi fusilatu zituztenetik. Urte horietan guztietan, haien senideek lan gogorra egin dute memoria ez galtzeko. Instituzioek oso ahaztuta izan dituztela esan dute; izan ere, bi gazteak ez zituzten biktimatzat aitortu 2012. urtera arte.
Alderdi politikoek beren ikuspuntua eman dute Txiki eta Otaegiren fusilamenduaren 50. urteurrenean
Frankismoaren biktimak direla esan dute EAJk eta PSE-EEk, baina terrorismoa ez lausotzeko eskatu dute. EH Bilduk haien memoria defendatu du, frankismoaren aurkako borrokaren "erreferente" gisa, eta PPk eskatu du egin zituzten "krimenak" gogoratzeko.
Zarauzko eta Azpeitiko udalek Txiki eta Otaegiren aitortza ekitaldiak egin dituzte
Zarautzen ostiral honetan eta Azpeitian ostegunean aitortu dituzte Frankoren diktaduran fusilatutako bi gazteak, eta adierazpen instituzionalak irakurri dituzte "egin zitzaien injustiziaren aurrean elkartasuna eta gizatasuna” adierazteko.
EAEko Auzitegi Nagusiak eta Jaurlaritzak epaitegietako plantilla handitzeko eskatu dute, “gainezka daudelako”
Lehendakariak eta Auzitegi Nagusiko presidenteak EAEko epaitegien saturazioa salatu dute urte judizialaren irekiera ekitaldian. Justizia ministroak iragarri du Espainiako Estatuan hiru urtean 2.500 plaza sortuko direla.