Jose Ignacio Asensio: "Ezin dira GuraSOS bezalako taldeak erabili oposizioa egiteko"
Gipuzkoako Jasangarritasun diputatu eta Gipuzkoako Hondakinen Kontsortzioko (GHK) presidente Jose Ignacio Asensio sozialistak adierazi duenez, "politikan denak ez du balio, ezin dira GuraSOS bezalako taldeak erabili erabat eredugarria den eta, benetan, beste lurralde batzuen inbidia pizten duen instalazio baten aurka egiteko".
GuraSOS plataformak astelehenean ohar baten bidez jakinarazi zuenez, Asensio ikertu egingo dute Zubietako erraustegiaren kudeaketari lotuta. Hala ere, Jasangarritasun diputatuak gaur adierazi duenez, gaurdaino ez du "ez epaitegiaren ez Fiskaltzaren jakinarazpenik" jaso. "Ezagutzen dugun gauza bakarra komunikabideek argitaratu duzuena da", gaineratu du.
Horregatik, "bolo-bolo dabilen" informazioa GuraSOSen prentsa-oharra "baino ez" dela uste du. "Beraz, ez dugu iritzirik emateko", azpimarratu du.
Asensiok nabarmendu du, eginbide horiek izanez gero, "ahalik eta lasterren" izan nahi duela haien berri, iritzia eman ahal izateko.
Bestalde, GHKko presidenteak uste du "deigarria" dela GuraSOS izatea "beste behin ere, salaketa aurkezten duena". Zentzu horretan, Asensiok 40 salaketa baino gehiago egin direla gogorarazi du. "Guztiak Partzuergoak eta GHKk irabazi dituzte, eta, kasu honetan, ziur nago emaitza bera errepikatuko da", esan du.
Gainera, diputatuak langile publikoen eta GHKko arduradunen "profesionaltasuna eta lan ona" defendatu ditu: "Zalantza guztietatik kanpo dago". "Instalazio hauek erabat eredugarriak dira, eta Estatuko zein atzerriko administrazioak bisitatzen ari dira. Espainiako daturik onenak ditugu, bai birziklatzeari dagokionez, bai hondakinen kudeaketari dagokionez", erantsi du. Azpimarratu du Gipuzkoa dela hiri-hondakinen kudeaketan zabortegirik erabiltzen ez duen "Espainiako lurralde bakarra".
Azkenik, "erantzukizun pixka bat" eskatu du, "oposizioa Batzar Nagusietan eta beste esparru batzuetan egiten delako".
Idoia Mendia bigarren lehendakariorde eta Lan eta Enpleguko sailburuak bere alderdikidearen gestio "bikaina" defendatu du. Radio Euskadiko 'Boulevard' saioan egin dioten elkarrizketan, "erabateko konfiantza" agertu du Asensioren "errugabetasunean" eta justizian. Gaineratu duenez, GHK Gipuzkoako Hondakinen Kontsortzioko presidentea ere badenak bere burua defendatzeko aukera izango du erraustegiaren kudeaketagatik ikertua izango den neurrian. Hortaz, "erabateko lasaitasuna" azaldu du.
Zure interesekoa izan daiteke
Chivitek gobernatzen jarraituko duela esan du, "batzuek Gobernua ezegonkortu dadin saiatzen jarraituko duten arren"
Eguberriak zoriontzeko asmoz astelehen honetan Nafarroako Jauregian egindako ekitaldi batean, presidenteak adierazi du bere gobernuak onartutako aurrekontuekin eta "zergadunen % 70 inguru lagunduko duten neurri fiskalekin" amaitzen duela urtea.
Eusko Jaurlaritza "oso kezkatuta" agertu da eskualdatzeen auzian izandako "atzerapausoengatik"
Eusko Jaurlaritzako bozeramaile eta Autogobernu sailburuak ohartarazi duenez, nahiago dute transferentziarik ez egitea, "eskualdatze txarra" izatea baino. Gaur arratsaldean Elma Saiz ministroarekin bilera du Ubarretxenak, eta espero du egoera bere onera etortzea.
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Adostutako neurrien artean daude, besteak beste, beste bizilekurik ez duten familia zaurgarrientzat etxegabetzeak debekatzea, oinarrizko hornidurak (argia, ura eta gasa) ez etetea eta bonu sozial elektrikoa luzatzea.
Milagros Tolonek hartuko du Hezkuntza ministerioa eta Elma Saiz izango da Espainiako Gobernuaren bozeramaile berria
Aldaketak Espainiako Gobernuaren birmoldaketaren barruan sartu ditu Sanchezek, eta legegintzaldiaren azken zatian indarra hartzea dute helburu.
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.