EH Bilduk irabaziko lituzke EAEko hauteskundeak, EAJri bi puntuko aldea aterata, CISen arabera
EAEko hauteskundeak gaur egingo balira, EH Bildu izango litzateke garaile, EAJri bi punturainoko aldea aterata, CIS inkesta etxeak egindako azken galdeketaren arabera.
Lehen aldia da Espainiako Ikerketa Soziologikoen zentroak koalizio abertzalearen garaipena aurreikusten duela. Aurreko inkestaren arabera (apirilaren 1ean kaleratu zuten), EAJk irabazi behar zituen bozak (botoen % 36,1), ozta-ozta bazen ere.
Oraingoan, baina, lehen indar kokatu du koalizio subiranista, % 34,2-35,1-eko boto portzentajearekin. EAJ bi puntura edukiko luke, botoen %32,6-33,5ekin. PSE-EErentzat ere aurreko inkestan baino emaitza hobea iragarri du CISek, % 14 (% 13,1, apirilaren 1ekoa). PPk botoen % 6,7-7 lortuko luke (beherakada, aurreko galdeketarekin alderatuta).
Elkarrekin Podemos-Aliantza Berdea eta Sumar koalizioak oso parekatuta leudeke, % 3,1-3,2 % eta % 3,1-3,6 % eskuratuta, hurrenez hurren. Horien atzetik kokatuko litzateke Vox, botoen % 2,7-% 3kin.
Apirilaren 4tik 8ra bitartean egin zen galdeketa. Arabako, Bizkaiko eta Gipuzkoako 4.025 herritar elkarrizketatu ziren, aurreko inkestan baino ia mila gutxiago.
Galdetutakoen % 73,9k erantzun dute ziur bozkatuko dutela, eta % 19,3k, berriz, oraindik botoa erabaki gabe dutela.
Kofiantza gehien nork ematen dien itaunduta, Pello Otxandiano EH Bilduren hautagaia (% 22,8) ageri da zerrendan lehena, eta harengandik oso gertu, EAJko Imanol Pradales (% 22,6). Atzetik daude Eneko Andueza sozialista (% 8,3) eta Elkarrekin Podemoseko Miren Gorrotxategi (% 3,8).
Zure interesekoa izan daiteke
Estatuari Martxoak 3ko sarraskiaren erantzukizuna eskatzeak berriro aurrez aurre jarri ditu EAJ eta PSE-EE
EAJk eta EH Bilduk Espainiako Gobernuari eskatu diote aitor dezala Martxoak 3ko sarraskian izan zuen erantzukizun zuzena, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.