De Andres: "Zail ikusten dut akordioak lortzea, EAJk ezkerrarekin bilatzen ditu eta"
Javier de Andres Euskadiko PPren presidentearen arabera, "zaila" izango da legegintzaldi honetan jeltzaleekin akordioak lortzea, "EAJk ezkerrarekin bilatzen dituelako itunak". Azaldu duenez, PSE-EE dute "lehentasunezko bazkide", eta erantsi duenez, "atzo bertan iragarri zuen Ortuzarrek Bildurekin autogobernu eta subiranismoari buruzko akordioak egingo dituztela". Horren ildoan, aurreratu du PP ez dela egongo itun subiranista batean: "Batasunaren ontasuna bilatzeko norabide aldaketa bat egin beharko lukete, eta ez betiko moduan, haustura bilatu".
Radio Euskadiko "Boulevard" saioari eskainitako elkarrizketa batean, PPren buruzagiak EAEko hauteskundeetan lortutako emaitza "nabarmenak" azpimarratu ditu —7 eserleku erdietsi dituzte, aurrekoan baino bat gehiago, eta 2020an baino 36.000 boto gehiago—, boto igoera eta ordezkari kopurua modu bertsuan hazi ez direla deitoratu duen arren. "Gehiagoren gogoz gelditu gara", erantsi du, eta ganberan "paper garrantzitsuagoa izan nahi genuen", EAJk eta PSE-EEk gehiengo osoa dutenez, "euren nahia inposatuko dutelako berriro". Era berean, Eusko Legebiltzarreko Mahaian leku bat eskatu du, "aniztasunaren" adierazle.
Horren arabera, hauteskundeetan "EAJren botoak" lortu dituzte, eta ez du uste Voxen botorik jaso dutenik. Hori horrela, ez du uste eurak direnik ultraeskuinako alderdiaren igoeraren "erantzule" (parte hartzea igo izanari egotzi dio De Andresek hori).
Pedro Sanchezek astelehenean iragar lezakeenaz galdetuta, EAEko PPko buruak esan du Espainiako Gobernuak dimisioa ematen badu "azaldu ez dituen beste gauza batzuengatik" izango dela. "Gauza asko daude, eta ez du azalpenik eman... Isilik egon beharrean, azalpenak ematen eman beharko lituzke bost egunak", adierazi du.
De Andresen aburuz, Sanchezen erabakia "estrategia baten baitan" dago, ez baitu uste "tankera honetako salaketa bategatik hain minduta egon behar denik". Hala, "Espainiako politikan reset egitearen alde" egin du, eta "zentralitaterako akordio bat" galdegin du.
Azkenik, Manos Limpiasi buruz esan du "salaketa bat bestearen ondotik" aurkeztu duela: "Parean tokatzen zaion guztiari tiro egiten dio, eta sarri porrot egiten du".
Albiste gehiago politika
Etxanobek adingabeen harrera ereduari buruzko "hausnarketa sakona" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, edo identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.