CISek 5 puntuko abantaila ematen dio PSOEri PPrekiko, Sanchezen erabakiaren ostean
Ikerketa Soziologikoen Zentroak (CIS) 5,1 puntuko abantaila ematen dio PSOEri PPrekiko maiatzeko azken barometroan, Pedro Sanchez Espainiako Gobernuko presidenteak gobernuburu izaten jarraitzea erabaki ostean.
Galdeketaren arabera, PSOEk irabaziko lituzke hauteskundeak botoen % 35,5 lortuta. Atzetik PP izango luke botoen % 30,4rekin eta hirugarren Vox, % 10,2rekin.
Inkesta horrek herritarren iritzia jaso zuen gobernuburuak bere etorkizun politikoa aztertzeko hartu zuen bost eguneko hausnarketa-aldian (9,4 puntukoa zen orduan).
Sumarrek botoen % 8 jasoko luke, apirilaren amaieran baino zortzi hamarren gehiago, eta Podemosek sei hamarreneko jaitsiera izango luke, % 2,2rekin geratuta.
Kataluniako independentistei dagokienez, botoen % 1,5 lortuko lituzke Juntsek eta % 1,1 ERCk. Hau da, hamarren bat gehiago Carles Puigdemonten alderdiarentzat eta bat gutxiago errepublikanoentzat.
EH Bilduk botoen % 1,3 lortuko luke, EAJk % 0,8 eta BNGk % 0,6.
Hala ere, inkesta honen emaitzek buelta eman diete apirilekoei, horien arabera PP izango bailitzateke garailea botoen % 33,5ekin, PSOEri puntu bateko abantaila ateraz.
Lider politikoei dagokienez, Sanchez da gogokoena herritarren artean, baina hautagai batek ere ez du gainditzen. Bere atzetik Yolanda Diaz egongo litzateke, eta Alberto Nuñez Feijoo hirugarren postura jaitsiko litzateke.
Bestalde, herritarrei gobernuburu bezala nor izatea nahiko luketen galdetuta, Sanchezek jarraitzen du faboritoa izaten (% 27,8).
Zure interesekoa izan daiteke
Estatuari Martxoak 3ko sarraskiaren erantzukizuna eskatzeak berriro aurrez aurre jarri ditu EAJ eta PSE-EE
EAJk eta EH Bilduk Espainiako Gobernuari eskatu diote aitor dezala Martxoak 3ko sarraskian izan zuen erantzukizun zuzena, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.