EAJk "Euskadiren ahotsa" izan nahi du Europan
"Europan Euskadiren ahotsa" izateko eta "populismoak borrokatzeko" aurkeztu da EAJ Europako hauteskundeetara, gaurko aurkezpen ekitaldian jakinarazi duenez.
Ekainaren 9ko hauteskundeetarako hautagaitza aurkeztu dute gaur jeltzaleek, Donostiako Tabakaleran, eta hauxe adierazi du Oihane Agirregoitia zerrendaburuak: "Europa sendo batean sinesten dugu, pertsonen ondoan egongo dena eta demokrazia defendatuko duena: Europa hori denon artean eraikitzera gonbidatzen zaituztet".
Agirregoitiaren arabera, "alderdi gutxik" egin dute eurena bezalako "ibilbide europarra eta europazalea", eta 1933ko Aberri Eguneko leloa "Euzkadi-Europa" izan zela gogorarazi du.
Hautagai jeltzaleak azpimarratu du "Euskal Herriaren benetako ahotsa" berea izango dela.
EAJ CEUS-Europa Solidarioaren aldeko koalizioan aurkeztu da, Coalicion Canariarekin, Geroa Bairekin eta El Pi-Proposta per les Illes Balears alderdiekin batera.
Gaurko ekitaldian, Europako Parlamentuan eserlekua utziko duen Izaskun Bilbao jeltzaleak ere hartu du hitza, eta esan du EAJk "ibilbide zehatz bat eta emaitzak egiazta ditzakeen ahotsa" eskaintzen dituela.
Sandro Gozi Renew Europe Now taldeko zerrendaburu eta Europako Batzordearen presidentetzarako hautagaiak ere hitz egin du, eta goraipatu du jeltzaleek "Europako Alderdi Demokrataren DNA berbera" dutela. "Gu gara mutur bien benetako alternantzia", erantsi du.
Hain zuzen ere, muturreko indarrez aritu da Andoni Ortuzar EAJko presidentea, eta ohartarazi du "populismoek eta muturreko ultrek" Europako hauteskundeetan "arrakasta" lor dezaketela, herritar askoren Europako hauteskundeekiko "atxikimendurik ezaren eta interes faltaren" ondorioz. Eta "ez asko direlako, haiek botoa ematera joango direlako baizik", ohartarazi du Ortuzarrek, eta euskal gizarteari "lozorro eta apatia horretan ez erortzeko" eta "botoa ematera joateko" deia egin dio.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.