Segurtasun Sailak jarritako isunen kontrako helegiteak aurkezten hasi da Ernai
Ernai gazte antolakundeak iaz antolatutako protesta batzuetan parte hartu zuten 133 gazteri Eusko Jaurlaritzak ezarritako isunen kontrako helegiteak hasi dira gaur aurkezten Gasteizko Administrazioarekiko Auzietako Epaitegian.
Zehazki, iazko irailean, Aitor Zelaia eta Galder Barbadoren espetxeratze agindua salatzeko, Bilbon eta Gasteizen egindako ekimenetan parte hartu zuten Ernaiko 133 identifikatu zituen Segurtasun Sailak, eta 'Mozal Legea' baliatuta, 1.500 eta 2.500 euro bitarteko isunak ezarri dizkie; orotara, 290.500 euro, isunetan. Horien aurkako lehen bost helegiteak aurkeztu dituzte gaur.
Gasteizko Justizia Jauregiaren atarian egin duten agerraldian, Maddi Bilbao Ernaiko abokatuak esan du "ikuspegi juridiko batetik oso eztabaidagarriak" direla Jaurlaritzak ipinitako isunak, "herritar orok dugun adierazpen askatasunarekin eta manifestaziorako eskubidearekin talka argi bat eman delako". Erantsi duenez, "etorkizunean gauzatuko den ahozko epaiketan frogatutzat joko da manifestaziorako eskubidearen baitan emandako protesta baketsuak baino ez zirela izan".
Hala, Bilbaoren arabera "zigorrak proportzioaren kontrakoak" dira. "Administrazioak ez ditu arrazoitu ezarri dituen neurrigabekotasunak, eta horregatik, galdetu beharko zaio zergatik kasu zehatz honetan halako isunak ezarri dituen. Ondorioztatu daiteke modu arbitrarioan jokatu duela Administrazioak", gehitu du.
Ildo beretik, Amaiur Egurrola Ernai mugimenduko eledunak esan du "eraso politiko honi modu kolektiboan erantzungo" diotela. "Egoera honen aurrean kikilduko ginela uste bazuten, oker dabiltza, eta datozen hilabeteetan izango gara auzitegietan epai honi aurre egin, modu kolektiboan erantzuteko eta honen aurka egiteko".
Helegiteak modu mailakatuan jartzen joango direla jakinarazi dute.
Zure interesekoa izan daiteke
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.