Begoña Gomez ikertzen ari den epaileak Pedro Sanchez deklaratzera deitu du lekuko gisa uztailaren 30ean
Begoña Gomez ikertzen ari den epaileak lekuko gisa deklaratzera deitu du Pedro Sanchez Espainiako Gobernuko presidentea uztailaren 30ean, goizeko 11:00etan. Influentzia trafikoa eta ustelkeria delituak egotzita ari dira presidentearen emaztea ikertzen.
Sanchezen deklarazioa Moncloa Jauregian izango da, Prozedura Kriminalaren Legeak (LeCrim) ezartzen duenaren arabera. Lege horrek dio epailea Gobernuko presidentearen egoitzara edo bulego ofizialera joango dela, baldin eta deklarazioa "karguagatik ezagutu ez dituen gaiei buruzkoa bada". Horrez gainera, lege horrek berak edozein pertsona salbuesten du bere ezkontidearen aurkako adierazpena egitetik.
Zitazio honekin, Madrilgo 41 zenbakiko Instrukzio Epaitegiko titularrak onartu egin du herri-akusazioek egindako eskaera, Voxek zuzendu zuena, gobernuburuaren deklarazioa eskatuz, Madrilgo Justizia Auzitegi Nagusiak jakinarazi duenez.
Sanchez bakarrik ez, epaileak, beste ebazpen batean, Joaqun Goyache Madrilgo Unibertsitate Konplutentseko errektorea ere inputatzea erabaki du, eta berak uztailaren 29an deklaratu beharko du.
Joan zen apirilaren 16an agindu zuen Peinado epaileak Gomezen aurkako izapideak irekitzeko, Manos Limpias sasi-sindikatu ultraeskuindarrak jarritako salaketa baten ondorioz. Hil horren amaieran, Madrilgo Probintzia Fiskaltzak errekurtsoa jarri zuen Epaitegiaren erabakiaren aurka, eta kasua artxibatzeko eskatu zuen. Hala ere, ikerketak aurrera jarraitzen du, hainbat pertsonak deklaratuta.
Bestalde, Manos Limpiasek aitortu zuen Gomezi jarritako salaketa "kazetaritza-informazioetan eta horietan bakarrik" oinarrituta dagoela.
Presidentearen emaztea uztailaren 19an joan zen epaitegietara, deklaratzeko zitazio bat jaso ondoren. Baina bere abokatuaren gomendioari jarraituz, ez deklaratzeko eskubideari heldu zion.
Ikerketa hasi zenean, Pedro Sanchezek bere agenda bertan behera utzi zuen eta bost egun hartu zituen Estatuko gobernuburu izaten jarraitu ala ez hausnartzeko. Egun horien ostean, karguan jarraitzea erabaki zuen eta demokrazia biziberritzeko neurri sorta bat iragarri zuen.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.