Balio europazaleak eta demokratikoak sustatzea helburu duen fundazio berri bat gidatuko du Urkulluk
Balio demokratikoak eta europazaleak sustatzea. Helburu horrekin jaioko da Bask Atlantik, Iñigo Urkullu lehendakariak aurrerantzean zuzenduko duen fundazio berria, Eusko Jaurlaritzaren gidaritzaren lekukoa Imanol Pradalesek hartu ondoren.
EITB Mediak baieztatu duenez, fundazio berriak izaera beretsua duten beste erakunde batzuekin zuzeneko lotura izango du, eta horiekin elkarlanean arituko da, "balio europazaleak zaintzen eta zabaltzen", "populismoak indarra hartzen eta erakundeak zalantzan jartzen" ari diren honetan. Bruselako erakundeetan azken urteotan lehen lerroan lanean aritu diren komisario ohiek osatuko dute, besteak beste, proiektu berria garatzeko Urkulluk osatu nahiko lukeen harreman-sarea.
Gertuko iturrien arabera, halaber, "eragin esparruetan" Euskadiren interesak defendatzea ere izango da jaiotzear den erakundearen egitekoetako bat. Ardatz Atlantiko osoarekin, baita Portugalekin ere, zubiak eraiki eta proiektu estrategikoak sustatuko dira.
Bask Atlantikek 24 patronatukide publiko eta pribatu (unibertsitateak, enpresak edota berrikuntzarekin lotutako erakundeak) izango ditu, eta gauzak ondo, urte amaiera baino lehen ekingo dio lanari. Egoitza nagusia Bilbon izango du. Marian Elorza Europar Batasuneko eta Kanpo Harremanetako Eusko Jaurlaritzako idazkari nagusia izango da fundazioaren gidaritzan Urkulluk zango duen bidelagunetako bat.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.