Ortuzarrek militantziari jakinarazi dio EBBko buru izaten jarraitzeko prest dagoela
Euzkadi Buru Batzarreko presidente Andoni Ortuzarrek iragarri du EAJren militantziaren esanetara dagoela, eta, horrenbestez, atea ireki dio laugarren agintaldi bati, betiere afiliatuek hori erabakitzen badute. Gainera, ziurtatu du beretzat "ohorea" dela "alderdiaren esanetara" egotea.
"Alderdi honen esanetara nago. Afiliatuek nahi duten tokian egongo naiz. Zuena da, beraz, erabakia. Erabakitakoa ondo egongo da. Parte hartzea soilik eskatzen dizuet", esan du Facebook sare sozialaren bidez zabaldutako mezuan.
Ez zegoen batere argi Ortuzarrek EBBko buruzagitzan jarraituko ote zuen, baina azkenean gaur jakinarazi du laugarren agintaldi bati ekiteko prest dagoela, baldin eta "afiliatuek hori nahi badute".
Datorren astelehenean, hilaren 20an, hasiko da EBB berritzeko prozesua, lehen itzuliarekin, eta alderdiaren IX. Batzar Nagusiarekin emango diote amaiera, martxoaren 29an eta 30ean, Donostian.
Buruzagi jeltzaleak 63 urte beteko ditu uztailean, eta horietatik 12 eman ditu EAJren buruzagitzan. Argitalpenean esan duenez, isilpean gorde nahi zuen albistea, EAJren irudi publikoa babeste aldera, eta estatutuak nahiz militantziaren askatsuna babesteko. "Ez da erraza izan", aitortu du.
"EBBko kideek bazekiten zein zen nire asmoa, uztailaren 8an izan genuen bileran adierazi nielako eta iragan astelehenean berretsi nuelako. Guztiok dugun ego zatia mukuru beteta dago nire kasuan. Zinez, uste dut ezin dela zalantzan jarri nire konpromisoa eta afera abertzaleari zein jeltzaleari emandako guztia", erantsi du.
Halaber, buruzagi jeltzaleak baieztatu du duela lau urte inguruekoei adierazi ziela —alderdiak aldaketak behar zituela iritzita— ondo legokeela EBBk buru berri bat izatea.
"Gehienek, baina, kontrakoa erakutsi zidaten, eta onartu egin nuen", kontatu du.
Lanak bideratuta
Bestalde, azken hiru urteotan EAJren baitan egindako aldaketei buruz azpimarratu du agintaldian "lanak bideratzeko" balio izan dutela.
Horrela, nabarmendu du askok pentsatzen dutela "oso arriskatua" dela dena aldi berean aldatzea, eta nahiago dutela "berritasuna eta jarraipena" uztartu. Dena den, aitortu du badela alderdia (EBBren buruzagitza baita) goitik behera berritzea nahi duenik ere.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.