EH Bilduk 22 batzarkide lortuko lituzke Gipuzkoan, eta EAJk, 18, Soziometroaren arabera
Foru hauteskundeak gaur egingo balira, EH Bilduk irabaziko lituzke hauteskundeak Gipuzkoan, 22 ordezkari lortuta, azken hauteskundeetan eskuratutako ordezkari kopuruari eutsirik. EAJ litzateke bigarren indarra 18 ordezkarirekin, bat gora eginda, PSE-EEren (7), PPren (3) eta batzarkide bat galduko lukeen Elkarrekin Podemosen (1) aurretik. Datu horiek eskuan hartuta, EAJk eta PSE-EEk oposizioko talderen baten babesa beharko lukete gobernatzen jarraitzeko.
Aurreko hauteskundeetan gertatu bezala, EH Bildu izango litzateke boto gehien jasoko lukeen alderdia, botoen % 39,4 jasota (2023an baino 2,1 gehiago). EAJ izango litzateke bigarrena Gipuzkoan, botoen % 33 eskuratuta (0,4 puntu gehiago). Hirugarren postuan, PSE-EE legoke, botoen % 14,6rekin (1,4 puntu galduta), PP laugarren indarra izango litzateke, % 6,2rekin (0,2 puntu galduta), eta, azkenik, Elkarrekin Podemosek botoen % 4,8 eskuratuko luke, 1,8 puntu galduta.
Boto asmoari buruz ez ezik, erakundeen inguruan duten iritziari buruz galdetu diete Gipuzkoako herritarrei. Horren arabera, herritarren % 71,4k ez dute konfiantzarik politikan. Dena den, datuak zazpi puntu egin du hobera azken neurketatik (% 78,4).
Bestalde, administrazioen inguruan galdetuta, udalek lortu dute herritarren baloraziorik onena (5,71 puntu), Foru Aldundiaren (5,69 puntu), Eusko Jaurlaritzaren (5,40 puntu) eta Espainiako Gobernuaren (3,91 puntu) aurretik.
Gipuzkoako Foru Aldundiaz galdetuta, inkestan parte hartu dutenek 5,75eko nota jarri diote; oposizioari, berriz, 4,90ekoa.
Albiste gehiago politika
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.
Sumarrek uste du lehendakariaren proposamenak "marketin hutsa" direla eta "aldaketak" behar direla
Sumar mugimenduak "marketin" gisa baloratu ditu Imanol Pradales lehendakariak Politika Orokorreko Osoko Bilkuran egindako proposamenak, eta ekonomia demokratizatzeko eta klima-aldaketari aurre egiteko lan egingo dutela iragarri du.
EH Bilduk "elkarrizketa nazionala" bultzatuko du "herri proiektu sendo bat eraikitzeko eta erronkei anbizioz erantzuteko"
"Euskal herritarrak entzun, erronkak partekatu eta adostu nahi dugu, guztion artean bakarrik eraiki ahal izango dugulako herri proiektu sendo bat eta aurrean ditugun erronka handiei erantzun", azpimarratu du Otegik.
EAJk esan du Parisko eraikina itzultzea "justizia ekintza bat" dela, eta ez duela ahaztuko PPren eta Voxen "eskandalua"
Marceau etorbideko eraikinak ekitaldi hunkigarria hartu du larunbat honetan, eta bertan izan dira Aitor Esteban EBBko egungo presidentea eta Andoni Ortuzar EBBko presidente ohia (bere agintaldian berreskuratu zuen EAJk eraikina). Horiekin batera izan dira Imanol Pradales lehendakaria eta Eusko Jaurlaritzako hainbat sailburu, Kongresuko, Senatuko eta Europako Parlamentuko bozeramaile jeltzaleak eta Arabako, Bizkaiko eta Gipuzkoako Batzar Nagusietako presidenteak, besteak beste.
EAJk Parisko Marceau etorbideko jauregitxoa berreskuratu duela ospatuko du gaur
Eusko Jaurlaritzako zenbait sailburu eta buruzagi jeltzale izango dira gaur Frantziako hiriburuan, nazien okupazioaren garaian, 1940an, lehen Eusko Jaurlaritzari konfiskatu zioten eraikina itzuli dietela ospatzeko.
Estatus politikoari buruzko eztabaidan aurrera egiteko eskatu die Gure Eskuk alderdi politikoei "subiranotasun osoa" lortzeko
Mugimenduak azpimarratu du zazpi euskal lurraldeen burujabetza eta batasunerako bide praktikoak sartzearen garrantzia, Euskadiren estatus politikoari buruzko balizko edozein akordiotan.