Aitor Esteban "hunkituta eta eskertuta" agertu da EAJko presidente izateko proposatu dutelako
EAJren oinarriak EBBren berritze prozesuaren lehen itzulian bozkatzen ari dira. Otsailaren 2an amaituko da lehen bozketa eta Aitor Estebanen izena hogeita hamar bat batzokitan aukeratu dute. EAJk Kongresuan duen bozeramaileak eskerrak eman ditu X sare sozialaren bidez.
"Hunkituta eta eskertuta" dagoela idatzi du Estebanek, eta "alderdikideen garaia" dela gaineratu du.
Otsailaren 20an hasi zen bozketa eta Andoni Ortuzar egungo presidentea da orain arte babes gehien lortu duena.
Goiak esan du afiliatuek dutela hitza
Donostiako alkate Eneko Goiak baieztatu du afiliatuek dutela orain "hitza" alderdi jeltzalearen etorkizunerako "egokiena" iruditzen zaiena "askatasun osoz" proposatzeko.
Komunikabideen aurrean egindako adierazpenetan, eta EBBren prozesuari buruz galdetuta, Goiak aitortu du ez duela gustuko alderdiaren barne hautaketei buruzko adierazpen publikoak egitea.
Prozesua
Lehen itzulia amaituta, gutxienez hiru udal erakunderen babesa lortzen duten hautagaiak otsailaren 10etik 26ra egingo den bigarren itzulira igaroko dira. Bigarren fase horretan EBBko presidentea eta zortzi burukide aukeratuko dira.
Lurralde Batzarrak otsailaren 27tik martxoaren 26ra bitartean egingo dira. Horietan, udal erakunde bakoitzeko ahaldunek, aginduzko botoaren bidez, bigarren itzulian izendatutakoak proposatuko dituzte. Era berean, lurralde-batzar bakoitzeko ordezkariek —aginduzko botoz horiek ere— dagokien lurraldean izendatutakoei eman beharko diete botoa, Batzar Nagusiaren esparruan egingo den Batzar Nazionalean.
Martxoaren 29an eta 30ean egingo den EAJren IX. Batzar Nagusiak EBBren kide berriak izendatuko ditu eta hurrengo urteetan alderdiaren jarduna arautuko duten txosten berriak onartuko ditu.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.