Narbonak eta PSOEko organo nagusietako beste hiru kidek zuzenduko dute alderdia Batzorde Federalera arte
UCOren txostena argitaratu eta bost egunera, eta Santos Cerdanek dimisioa aurkeztu ondotik, PSOEren Batzorde Exekutibo Federala bilduta dago astelehen honetan, alderdiaren hurrengo urratsak erabakitzeko. 13:00etarako dago Pedro Sanchez PSOEko buruaren agerraldia deituta Ferrazen, baina alderdiko iturriek dagoeneko hainbat berrikuntza aurreratu ditu.
Datorren uztailaren 5ean Cerdanen ordezkoa aukeratzeko egingo den Batzorde Federalera arte, trantsizio talde baten ardura izango da alderdiaren Antolakuntza-idazkaritza eramatea. PSOEko lau kidek zuzenduko dute talde berri hori: Cristina Narbona alderdiko presidenteak, Ana Maria Fuentes PSOEko gerenteak, Montse Minguez Lan, Ekonomia Sozial eta Lan Autonomoko idazkariak eta Borja Cabezon Ekintza Demokratiko eta Gardentasuneko idazkariak.
Alderditik aurreratu duten beste berritasunetako bat da PSOEren Batzorde Exekutibo Federalak Jose Luis Abalos alderditik kanporatzea erabaki duela, Antolakuntza idazkari eta Garraio ministro ohiari espedientea zabaldu eta 15 hilabetera.
Santos Cerdanek gaur entregatuko du diputatu akta
Bien bitartean, dena ondo bidean, Santos Cerdan PSOEko Antolakuntza idazkari ohiak gaur bertan egingo dio uko bere diputatu aktari. Pasa den astean, Leopoldo Puente Goreneko magistratuak diputatu akta uzteko asmoari eusten ote zion galdetu zion militante sozialistari, eta gaur bidalitako idatzi batean Cerdanek adierazi du gaur egingo diola uko bere diputatu aktari eta, hortaz, forudun izateari utziko dio.
Horren aurretik, baina, gaur goizean Cerdanek PSOEtik baja ematea eskatu du.
Sanchez Yolanda Diazekin bilduko da
Sumarreko iturriek adierazi dutenez, Espainiako Gobernuko presidentea Yolanda Diaz bigarren presidenteordearekin bilduko da arratsaldean. Diazek berak eskatu zuen Gobernu koalizioaren premiazko bilera bat joan den ostegunean, UCOren txostena publiko egin zenean, baina ordutik ez dira elkartu.
Podemos ez da Sanchezen bilerara joango
Yolanda Diazekin biltzeaz gain, Sanchezek iragarria du talde parlamentarioekin bilerak egingo dituela, egungo egoera politikoaz hitz egiteko. Hala ere, Podemosetik dagoeneko aurreratu dute ez direla hitzordura joango.
"Ez dugu alderdi ustel baten aurpegia garbitzeko operazio batean parte hartuko". Hala jakinarazi du alderdiaren egoitzan emandako prentsaurreko batean, Pablo Fernandez bozeramaileak.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.