Gorenak Cerdan inputatu du eta ekainaren 30erako deitu du bere deklarazioa
Santos Cerdan PSOEko Antolakuntza idazkari ohiak ekainaren 30ean eman beharko ditu azalpenak Leopoldo Puente Auzitegi Goreneko epailearen aurrean ‘Koldo auzia’ delakoan inputatu gisa. Obra publikoen esleipenen truke legez kanpoko eskupekoak jasotzea leporatzen diote, besteak beste.
Atzo, bestalde, Guardia Zibilaren UCO unitateak PSOEren Madrilgo egoitza nagusia eta Garraio Ministerioarena miatu zituen, informazio bila. Zehazki, Cerdanen posta elektroniko korporatiboa klonatu zuten ikertzaileek, eta Adifeko eta Errepideen Zuzendaritza Nagusiko dokumentuak bildu zituzten.
Bere autoan, gainera, Cerdanen izenean dauden higiezinak eta banketxeetan dituen kontuak arakatzea ere eskatu du epaileak.
Atzo, sozialisten Antolakuntza idazkari izandakoak Goreneko epaileari eskatu zion bere deklarazioa atzeratu eta uztailerako beste data bat jartzea. Berez, datorren asteazkenerako zegoen deituta.
Benet Salellas abokatuak aurkeztutako idatzian, auziaren tamaina eta konplexutasuna aipatzen dira, data atzeratzea eskatzeko. Auzipetuei leporatzen zaizkion delituen izaera ezberdina eta gaiaren oihartzun soziala erabili dira argudio gisa.
Joan den astean zabaldutako Guardia Zibilaren UCO unitatearen txosten baten arabera, Cerdanek obra publikoen kontratuetan legez kanpoko komisioak kobratzen zituen. Ikertzaileek uste dute politikari nafarra zela Jose Luis Abalos Garraio ministro ohiarekin eta azken horren aholkulari zen Koldo Garciarekin batera osatzen zuen sarean eskupekoak kudeatzen zituena. Azken bi horiek datorren astelehenean daude deituta deklaratzera.
Bost enpresaburu ikerketapean
Horiez gain, bost enpresaburu ere ikertzeko eskatu du epaileak: Antonio eta Daniel Fernandez Menendez, Fernando Agustin Merino, Jose Ruz eta Joseba Antxon Alonso. Obra publikoen esleipenen truke ustez ordainketak egin zituzten enpresetako arduradunak dira horiek. Uztailaren 4an eta 7a bitartean deklaratu beharko dute.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.