Estebanek PPri aurpegiratu dio EAJrekin "zerikusirik ez duen" sare batean "nahastu" nahi izatea
EAJren presidenteak onartu du bi alderdien arteko harremanak ez daudela unerik onenean, batez ere, azken sei hilabeteetan popularrek jeltzaleei "eraso argiak" egin ondoren.
Aitor Esteban EAJren EBBko presidenteak PPren aurka egin du, EAJrekin "zerikusirik ez duen" auzi batean ('Cerdan auzia') "nahastu" nahi duelako bere alderdia. Horren hitzetan, "EAJk ez die batzuen eta besteen presioei erantzuten".
Espainiako telebista publikoan egindako elkarrizketa batean, Estebanek onartu du bi alderdien arteko harremanak ez daudela unerik onenean, batez ere, azken sei hilabeteetan popularrek jeltzaleei "eraso argiak" egin ondoren.
Javier De Andres Euskadiko PPren buruzagiak EAJk 'Cerdan auzia'rekin zerikusia zuela esan eta biharamunean, "deabruak hartuta" egotea leporatu dio Estebanek.
Estebanen iritziz, ez dago Alderdi Popularra ulertuko duenik, eta Jekyll doktorearen eta Mr. Hyderen moduan jokatzea leporatu dio. "Beraiek nire telefonoa daukate eta nik eurena, baina ez da hitz egiteko klimarik egokiena", esan du.
Horrez gain, Estebanek popularrei ohartarazi dienez, "EAJk ez die inoren presioei erantzuten, eta erabakiak herritarrek, bere boto-emaileek eta alderdiko kode etikoaren arabera hartuko ditu".
Bestalde, ukatu egin du Cerdan jeltzaleen eta sozialisten arteko lotura izatea, Antolakuntza idazkariak Auzitegi Gorenaren aurrean egindako deklarazioan esan bezala. Ildo horretan, azaldu du Maria Jesus Montero Espainiako Gobernuko presidenteordea dela bien arteko lotura nagusia.
Halaber, Estebanek argitu du Antxon Alonso enpresariak (Servinabar enpresako administratzailea) ez zuela inolako esku-hartzerik izan EAJk Mariano Rajoyren aurkako zentsura-mozioa babesteko. Are gehiago, nor zen ez zekitela esan du, eta jeltzaleekin, zuzenean, Pedro Sanchez jarri zela harremanetan babesak lortzeko.
UCOren txostenak Nafarroako Servinabar enpresa nahastu du, hain zuzen ere, obra publikoen legez kanpoko esleipenekin lotutako ustezko ustelkeria sarean.
Azkenik, Iñaki Alzaga enpresariaz galdetuta —hainbat hedabidek Servinabar enpresarekin nahastu dute—, Estebanek erantzun du Alzaga ez dela EAJko afiliatua, eta ezin duela haren izenean hitz egin.
Politikari buruzko albiste gehiago
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.