Armengolek azaldu du Air Europako presidentearen aholkularia zelako elkartu zela Victor Aldamarekin
Kongresuko egungo presidente eta Balear Uharteetako presidente ohia denak agerraldia egin du Senatuko ikerketa batzordean, eta berretsi du ez duela Victor Aldamarekin mezurik trukatu.
Francina Armengol, Senatuko ikerketa batzordean. Argazkia: Europa Press.
Francina Armengol Kongresuko egungo presidente eta Balear Uharteetako presidente ohiak esan duenez, Air Europako presidente ohia zen Pepe Hidalgorekin covid pandemiaren garaian elkartu zen Victor de Aldamarekin, Armengol Hidalgoren aholkularia zelako.
Armengolek 'Koldo auzi'ko sareari buruz Senatuan egiten ari diren ikerketa batzordean egin ditu adierazpen horiek, astearte honetan.
"Ez dut gezurrik esan, ezta informaziorik ezkutatu ere", errepikatu du behin baino gehiagotan, Angel Pelayo Voxen bozeramaileak bere lehen galdeketan gezurra esatea leporatu baitio. Balearretako presidente ohiak Voxeko senatariari ziurtatu dio ez dutela ustelkeria kasuetan haren zantzurik aurkituko; "oso lasai nago", esan du.
Testuinguru horretan, Kongresuaren presidenteak berretsi du aurretik egindako ikerketa batzordeetan "gogoratzen zuen guztia" eta "zekien guztia" kontatu zuela. Azaldu duenez, Balearretako presidente zenean, mila pertsona baino gehiago hartu zituen entzunaldian, "eta ezinezkoa da izen-abizen guztiak gogoratzea".
Hori dela eta, Aldamak harekin bildu zela esan berritan, zehaztu du idazkariarekin batera begiratu duela presidente izan zeneko agenda osoa. "Air Europa konpainiako Pepe Hidalgo presidentearekin egin nuen bileran Aldama egon zen, hori da topatu dugun azalpen bakarra", gaineratu du.
Era berean, Voxen senatariak Aldamaren eta Armengolen arteko balizko mezu batzuk aipatu ditu, baina Kongresuko presidenteak ukatu egin du WhatsApp mezu horiek egon zitezkeenik, eta berretsi du ez duela Koldo sarean nahastuta dagoen Aldamaren kontakturik ere.
Politikari buruzko albiste gehiago
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.