Belateko kontratazio mahaiko presidenteak ukatu egin du ustelkeriaz jokatu zela, berari dagokionez
Jesus Polo izan da Nafarroako Parlamentuko Ikerketa Batzordean obra publikoko lizitazioei buruz hitz egiten lehena.
Gaur abiatu dira Nafarroako Parlamentuan obra publikoko kontratuak aztertzeko Ikerketa Batzordea eta Belateko tunelak handitzeko kontratua ikertzen hasi dira.
Hain zuzen ere Jesus Polo, Belateko tunelen obrak kudeatzeko kontratazio-mahaiaren presidentea izan da Batzordean hitz egiten lehena, eta ukatu egin du "ustelkeriaz jokatu" zela; halaber, azpimarratu du ez duela presio politikorik jaso, ez zuela Santos Cerdan ezagutzen eta ez zekiela hark lotura zuela kontratua lortu zuen enpresetako batekin.
Haratago joanda, galdetu diote ea berak baieztatu dezakeen ustelkeriarik ez dela egon, eta berak erantzun, ezin duela ziuratatu egon ez denik, baina berak ez duela horrelakoetan parte hartu.
Era berean, nabarmendu duenez, ez du Gobernuko ezein kiderekin hitz egin gaurko agerraldiaren aurretik, ez eta politikariekin ere, eta ez du jaso inongo instrukziorik lanak irabazi zituen Aldi Baterako Enpresa Elkarteari (ABEE) dagokionez, Acciona, Oses eta Servinabarrek osatua. Hala erantzun die UPNko Javier Esparzak egindako galderei.
UCOk 'Koldo kasua'ri buruz egindako txostenaren ondorioz erabaki zen batzordea martxan jartzea. Izan ere, txosten horretan enpresa esleipendun batzuk aipatzen dira, eta horietako bat Santos Cerdan PSOEren idazkari nagusi ohiarekin lotuta dago.
Polok esan duenez, "ez da egia" berak besteen botoen berri izan ostean eman zuela botoa. Izan ere, haren botoa erabakigarria izan zen lanen esleipenerako, eta behin eta berriz esan du bere ezagutzen arabera erabaki zuela botoa.
"Ez dut Santos Cerdan ezagutzen, ez eta Atxon Alonso ere"
Polok azaldu du ez duela Santos Cerdan ezagutzen, eta ez dela "inoiz ere" harekin bildu. "Nik nere bulegoan egiten nuen lan eta oso gutxi ateratzen nintzen. Lan horietan ez da bere izena atera. Ez nekien Santos Cerdanek zerikusirik zuenik lan horiekin":
Era berean, ziurtatu du ez duela PSNko idazkariordea izan zen Ramon Alzorriz ezgutzen. "Ez naiz harekin egon, telebistan ikusi dudalako ezagutzen dut", eta azpimarratu du ez duela Servinabarreko Antxon Alonso ezagutzen, eta ez zekiela "Cerdanen laguna zenik ere".
Zure interesekoa izan daiteke
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.