Torturaren beste zazpi biktima aitortu ditu Nafarroako Gobernuak
Orain arte, 94 pertsona aitortu ditu Nafarroako Gobernuak ofizialki indarkeria politikoaren biktima gisa 16/2019 Foru Legearen esparruan. Nafarroako Torturatuen Sareak eta Egiari Zorrek osatzen duten 'Egiaren garaia da' dinamikak begi onez ikusi ditu ebazpenak, eta bide horretan sakontzen jarraitzeko eskatu dute.
Nafarroako Gobernuak, Errekonozimendu eta Erreparazio Batzordearen bidez, Foru Erkidegoko beste zazpi pertsona aitortu ditu torturaren biktima gisa eta, horiekin, 94 dira orain arte Foru Legearen esparruan ofizialki aitortutako pertsonak.
Hala jakinarazi du Nafarroako Torturatuen Sareak eta Egiari Zorrek osatzen duten Egiaren garaia da dinamikak eta azaldu duenez ontzat jo dituzte ebazpenak "Estatuko indarkeriak izan duen eragina ikusarazteko baliagarriak direlako".
Izan ere, euren ustez, elkarbizitza benetan demokratiko bat eraikitzeko zeregin kolektiboan gizarte bezala aurrera egiteko eta, memoria inklusibo batekin konprometituko diren politika publikoak garatu nahi badira, "ezinbestekoa da Nafarroan motibazio politikoko indarkeriaren testuinguruan gertatutako guztia salbuespenik gabe ezagutaraztea".
Hori dela eta, Nafarroako Gobernuak azken bost urteetan hasitako bidea "baliagarria" dela uste dute, eta horregatik "ildo horretan sakontzen jarraitzeko" eskatu diote, "ezinbestekoa baita bide horretan aurrera egiten jarraitzea, Nafarroan eta Euskal Herri osoan estatu-indarkeriari lotutako inpunitatea amaitzeko".
Oraingoan biktima gisa aitortutako pertsonak honakoak dira: Polentzi Goikoetxea Barandiaran (Guardia Zibilak eta Brigada Politiko Sozialak bi aldiz torturatua 1980an; Jose Maria Aleman Zabaleta (Guardia Zibilak torturatua 1982an); Jon Patxi Arratibel Garziandia (Guardia Zibilak torturatua 1997an eta 2011n); Leire Markina Rey (Espainiako Polizia Nazionalak jipoitua 1999an eta Guardia Zibilak torturatua 2001ean); Luis Goñi Lara (Guardia Zibilak torturatua 2008an); Araitz Amatria Jimenez (Espainiako Polizia Nazionalak torturatua 2008an); Ainara Bakedano Cuaresma (Guardia Zibilak torturatua 2009an).
Orain arte, 94 pertsona aitortu dituzte ofizialki indarkeria politikoaren biktima gisa, 16/2019 Foru Legearen esparruan. 6 hildako (horietako bat torturaren ondorioz); 61 torturatu; 19 pertsona lesio fisiko eta/edo psikologikoekin; 2 pertsona kalte materialekin; torturatutako pertson bat, lesio fisikoekin eta kalte materialekin; torturatutako pertsona bat kalte materialekin; eta 4 pertsona lesio fisiko eta/edo psikologikoekin eta kalte materialekin.
Zure interesekoa izan daiteke
Fiskaltzak artxibatu egin du EH Bilduk Guardiako EAJko alkatearen aurka jarritako salaketa
"Presio-estrategia politiko" kanpaina bat egitea leporatu dio alkateak koalizioari.
Bengoetxea, EHUko errektorea: "Ikasle-mugimenduari eskatu diogu ez erortzeko probokazioetan"
Joxerramon Bengoetxea EHUko errektoreak zentzuz jokatzeko eta probokazioetan ez erortzeko deia egin du. Ikasle-antolakundeekin harremanetan jarri dela adierazi du, eta Voxen jokoari ez jarraitzeko eskatu die, baina, horren ustez, "libre dira nola jokatu nahi duten erabakitzeko".
Santurtziko Udalak Fiskaltzari helarazi dio Udaltzaingoaren azterketen ustezko filtrazioaren kasua
Segurtasun arloko zinegotzi ohi Sonia Lopezen mezu elektronikoak aztertu ondoren, gertakariak Bizkaiko Fiskaltzaren aurrean aurkezteko izapideak hasteko erabakia hartu du gobernu-taldeak.
Aitor Esteban estatus berriaren itunaz: "Duela pare bat aste itxaropentsu nengoen, orain zalantzak ditut"
"Egun on" saioan Aitor Esteban EAJren EBBko presidenteak esan duenez, "duela pare bat aste itxaropentsu" zegoen estatus berria adosteko aukeraren aurrean, EAJ, EH Bildu eta PSE-EEren arteko hiruko elkarrizketak ikusita, baina "orain zalantzak" ditu. "Ateak irekita daudela dirudienean, ustekaberen bat gertatzen da", adierazi du.
ETAko preso batzuek jasotako espetxe baimen eta gradu aldaketaren inguruko eztabaida izan da gaur Legebiltzarrean
ETAko presoei mesede-tratua ematea leporatu diete Javier De Andres Euskadiko PPko buruak eta Amaia Martinez Voxeko legebiltzarkideak Imanol Pradales lehendakariari eta Maria Jesus San Jose Justizia sailburuari.
Gazteria Legea aldatzeko proposamena erregistratu dute EAJk eta PSE-EEk, adin txikikoen udalekuak zorrotzago kontrolatzeko
Presazko prozeduraren bitartez erregistratu dute, eta bi hilabeteko epean aldaketak indarrean egotea aurreikusten du Nerea Melgosa Ongizate, Gazteria eta Erronka Demografikoko sailburuak.
Zupiriak “zentzuz” jokatzeko eskatu du, Voxek Gasteizen deitutako ekitaldiaren aurrean
Eusko Jaurlaritzaren esanetan, “alderdi autoritario baten ekitaldia” izango da, “15 lagunek deituta”.
Aldakako ebakuntza egingo diote berriro Aburtori, martxoaren 9an
Hilabete eta erdi inguru beharko du osatzeko, eta Amaia Arregi egungo alkateordeak beteko ditu alkate lanak aldi horretan.
Jon Enparantza eta Arantza Zulueta Martuteneko espetxean sartu dira
Otsailaren 3an espetxeratzeko agindua eman zuen Auzitegi Nazionalak 2022an ezarritako zigorra bete ahal izateko eta euren kabuz joan dira espetxera.
Iraungitako txertoen kasuari lotutako batzorde independente bat eratzeko eta erantzukizunak eskatzeko proposamenak atzera bota dituzte EAJk eta PSEk
Jeltzaleek eta sozialistek iragarritako neurriak arintzeko eskatu diote Osasun Sailari, "akatsen arriskua gutxitzeko".