Juan Carlos I.aren titularrak: "Espero dut barkatuko didatela eta espainiarrek ulertuko dutela egin dudana"
Juan Carlos I.a Espainiako errege emerituak elkarrizketa egin du, aspaldian egin duen lehenengoa, Frantziako telebista publikoan. Elkarrizketa horretan adierazi duenez, egindakoa ez zaio damutzen, bere ondare konstituzionala defendatu du, espainiarrei barkamena eskatu die, eta Felipe VI .a "errege ona" dela esan du.
Juan Carlos I.a Espainiako errege emeritua elkarrizketa luzea egin du France 3n, haren bizitza errepasatu eta haren ibilbideko pasarte eztabaidagarrienetako batzuk jorratzeko. Abu Dhabin egindako elkarrizketa argitaratu berri duen biografiaren ingurukoa izan da. Datorren astean argitaratuko da gaztelaniaz.
Gogoratzen dituen pasadizoen artean, Augusto Pinochet Txileko diktadorea Madrilgo aireportuan hartu zuela eta "Francok egin moduan egitea" iradoki ziola azaltzen du. Juan Carlosek dokumentalean erantzuten du orduan baietz erantzun zuela, baina gero" espainiarrek nahi zutena" egin zuela. Gaineratu du Francok ez ziola inoiz zuzenean eskatu erregimenari eustea eta, hilzorian zegoela, "Espainia batuta" mantentzeko baino ez ziola eskatu.
Damurik ez: "Ez" erantzun du ezer damutu ote zaion galdetu diotenean.
Haren legatua defendatu du: 1978ko Konstituzioa egitea ahalbidetu izana harro egoteko modukoa dela esan du, eta "Espainiari eta espainiarrei on egin ziela".
Herritarrei barkamena eskatu die: Espainiarrek hark "egindakoa ulertzea" eta barkatzea espero du.
Espainiaren falta sumatzen du: Abu Dhabin bost urte eman ondoren, "zezenak, flamenkoa eta Espainiako bizimodua" faltan dituela esan du.
Francorekin zuen harremana: Diktadoreak "Espainia batuta" mantentzeko baino ez ziola eskatu eta ez ziola erregimenarekin jarraitzea exijitu kontatu du.
Pinochet Madrilen: Diktadore txiletarrak "Francok egin moduan egitea" iradoki ziola eta hasieran baietz erantzun ziola kontatu du.
Bere eskandaluak: Dena "konponduta" dagoela eta kasu fiskalak itxi ostean "lasai" bizi dela esan du.
Felipe VI.a "errege ona" da: Semea une politiko zailean dagoela eta "babesa" eman behar zaiola esan du.
Itzuli nahi du: "Bueltatzeko abagune aproposa" dagoenean Espainiara itzuliko dela ziurtatu du.
Emerituak ez du adierazi zehazki zer akats egin dituen, eta ez du damurik ageri kazetariak zuzenean galdetzen dionean. "Ez" zaiola ezer damutzen erantzun du. "Ezetz" esaten du damurik sentitzen duen galdetu diotenean. Gai fiskal guztiak konponduta daudela eta "lasai" bizi dela dio, baina adiarazi du arazoak konpondu zirela ezin dutelako zigortu, delituak preskribatu egin zirelako eta lau milioi euro inguru ordaindu zituelako zigorrak saihesteko berandu zela jakinarazi aurretik, besteak beste.
Juan Carlosek onartzen du faltan duela Espainia, Abu Dhabin bost urte eman ondoren. Zezenketen, flamenkoaren eta Espainiako bizimoduaren mira duela adierazi du. Defendatu du Espainia modernizatu zuela estatuburu izan zen garaian, eta esan du "ezin zaiola eskatu haren gustuak modernizatzea".
Emerituak dio hura "bueltatzeko abagune aproposa" dagoenean tzuliko dela, eta harro baino harrroago dagoela 1978ko Konstituzioa egin izanagatik. Azpimarratzen du Trantsizioan ez zuela botererik gorde beretzat.
Era berean, Felipe VI.aren lana nabarmendu du, "errege ona" dela esan baitu. Adierazi duenez, Arabiar Emirerri Batuetara semeak hura erregealdian ez sartzea nahi zuelako joan zen, eta egungo monarkari babesa emateko eskatu du, uste baitu une politikoa zaila dela "herrialde guztietan".
Liburuaren izenburua Reconciliación da, eta, ildo horretan, Juan Carlos I.ak azken mezua eman du: Barkamena eskatu die espainiarrei, eta "egin duena uler dezaten" espero duela esan du. Damurik ez duela dio, baina egunen batean herritarrek barkatuko diotelakoan dago.
Zure interesekoa izan daiteke
Guardia Zibilaren Unitate Zentral Operatiboa PSOEren egoitzan da, Leire Diezi egindako ordainketen inguruko dokumentazio bila
Guardia Zibilaren Unitate Zentral Operatiboko (UCO) agenteak asteazken honetako lehen ordutik daude PSOEren egoitza nagusian, Madrilgo Ferraz kalean; dokumentazio-errekerimendua da egiten ari direna, ez erregistro bat. Leire Diez PSOEko militante ohiari alderdiaren kontrako prozedura judizialak zapuzteko lanengatik ustez egindako ordainketekin lotutako auziari lotuta dago jarduketa.
Epaileak uste du PSOEk Leire Diezi ordainketak egin zizkiola, Cerdanen gidaritzapean
Militante sozialistaren aurka irekita zegoen auzia zabaldu egin du Santiago Pedraz Auzitegi Nazionaleko epaileak, eta PSOEren eta Gobernuaren inguruko kausa judizialak neutralizatzeko eroskeria gertatu ote zen ari da aztertzen orain. Alegia, alderdiaren aldetik dirua jaso ote zuen Diezek horretarako.
PSOEren inguruan ikertzen ari direna larria dela aitortu du Pedro Sanchezek, baina ez ditu hauteskundeak aurreratuko
Espainiako presidenteak Erroman hitz egin du PSOEren inguruan izandako azken gertaeren inguruan. Bere ustez hauteskundeek "paralisia" ekarriko lukete eta horren aurrean "oreka" defendatu du.
Cerdan, PSOEko gerentea eta Zarrias, Leire Diez auzian inputatuta Auzitegi Nazionalak eskatuta
Ikerketak erabaki judizial berriekin egiten du aurrera: kontratu publikoei lotutako eta informazio sentikorra lortzeko ustezko sare bat aztertzen du auziak.
Lehenbailehen hauteskundeak deitzeko eskatu dio Feijook Sanchezi, "egoera agoniko eta patetiko honen aurrean"
Bestalde, Gabriel Rufian ERCk Kongresuan duen bozeramailearen hitzetan, "anomalia izugarria da" alderdi politiko baten egoitza miatzea. "Hauteskunde-kanpaina edo egia den jakin ezinda gaude une honetan", esan du.
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.