PSOEk alderdiaren ordainketei buruz eskatutako txostenak baztertu egin du legez kanpoko finantzaketa, baina gastu "deigarriak" aurkitu ditu
Besteak beste, 300 euro baino gehiagoko menuek eta Belgikako jatetxeetako otorduek eman diete arreta txostena egin dutenei. PSOEk 2017 eta 2024 bitartean eskudirutan egindako ordainketak aztertzea du helburu azterlanak.
PSOEk bi katedraduni eskatutako ikuskaritza batek baztertu egin du alderdian legez kanpoko finantzaketa egotea, uste baitute ez dela aitortu gabeko edo trazatu gabeko funtsen zantzurik izan. Hala ere, ikerketan Jose Luis Abalosen Antolakuntza Idazkaritzak egindako gastu "deigarri" batzuk aurkitu dituzte, besteak beste, 2019ko Eguberri Egunean Valentzian bederatzi mahaikiderentzako bazkari bat eta La Chalana itsas-jatetxean egindako "ezohiko" gastuak.
Alderdi Sozialistak uztailean bere kontuetan irregulartasunak baztertzeko iragarritako txostenak nabarmendu du ez dagoela diru mugimendu irregularrik, diruzaintzako zirkuitu arruntetatik kanpo. Txostena Ismael Moreno Auzitegi Nazionaleko epaileari bidali diote, Koldoren auzitik banatuta aztertzen ari diren kasuan; izan ere, Antolakuntza idazkarietako bi, Abalos eta bere ondorengo Santos Cerdan, ikertzen ari dira.
Txostenaren arabera, PSOEren kutxa-sistema "koherentea”, da, egiaztatu daitekeena; izan ere, " sarrera guztiek banku-jatorria dute edo aurrerakinen doikuntzei erantzuten diete. Ateratako diru guztia, gainera, behar bezala dokumentatuta dago".
Ordainagiri "deigarriak”
Txostenean, ordea, Abalos buru zen aldian Antolakuntza Idazkaritzatik igarotako gastu-egiaztagiri "deigarri" batzuk aurkitu dira. 2019ko Eguberri Egunean Valentzian bederatzi mahaikiderentzako bazkari bat eta La Chalana jatetxean "ezohiko" gastuak, kasu. Txostenak nabarmendu duenez, mahaikide bakoitzeko 60 euroko muga gainditzen duten gastuak % 4 ziren 2018an, baina 2020an % 25era igo ziren.
Horrez gain, katedradunen iritziz deigarria da La Massanako (Andorra) jatetxe bateko ordainagiria, Bruselako faktura bat eta Brujaseko beste bat, biak Belgikan.
Joan den astean txosten hori jaso ondoren, PSOEk baztertu egin du legez kanpoko finantzaketa, baina gastuen egiaztagiriak aztertzeke ditu, Antolakuntza Idazkaritzaren agendarekin alderatu beharko baitira.
Orain, ikertuak PSOEz baliatu diren aztertu beharko du alderdiak, haien jarduera politikoarekin bat ez datozen gastuei begiratuta.
Zure interesekoa izan daiteke
Iraungitako txertoen kasuari lotutako batzorde independente bat eratzeko eta erantzukizunak eskatzeko proposamenak atzera bota dituzte EAJk eta PSEk
Jeltzaleek eta sozialistek iragarritako neurriak arintzeko eskatu diote Osasun Sailari, "akatsen arriskua gutxitzeko".
EHUk Arabako campusa itxiko du astelehenean, Voxen ekitaldi bat dela-eta
Eskuin muturreko alderdiak otsailaren 23aren oroigarri gisa egin du deialdia, “unibertsitatean askatasuna defendatzeko ezker abertzalearen aurrean”.
Eudelek aurrekontuak luzatu ditu, 40 urtean lehen aldiz, EH Bilduren abstentzioaren ondorioz
EH Bildu atzo iragarri zuenez, koalizio abertzaleko zinegotziek aurrekontua atzera botatzeko asmoa zuten, gaurko bozketan abstenituz, EAJk bultzatutako zuzendari berriaren hautaketa prozesuarekin ados ez zeudelako. Esther Apraiz Eudelen presidenteak adierazi du"intituzioa etsirik" dagoela erabakiaren aurrean, eta ohartarazi du horrek "zaildu" egingo duela hainbat proiektu egitea.
Jaurlaritzak begi onez hartu du bizitzeko baimena berritu nahi duten migratzaileei hizkuntza ofizialetan egiten jakitea eskatzea
Kataluniako Gobernuak egin du proposamena, hizkuntza kohesiorako eta hobeto integratzeko elementu gisa baliatu daitekeelakoan. Ildo horretatik, euskara jakitea migratzaileen integrazio prozesua indartzeko kohesio tresna izatea nahi du Eusko Jaurlaritzak.
Medikuen eskaerei eta profesional faltari erantzuteko, Jaurlaritzaren proposamenak
Alberto Martinez sailburuak neurriak eskatu dizkio Monica Garcia ministroari medikuen aldarrikapenei eta osasun-langileen faltari aurre egiteko.
Eusko Legebiltzarrak Fernando Buesa eta Enrique Casas eraildako sozialistak gogoratu ditu
Enrique Casas 1984ko otsailaren 23an hil zuten Komando Autonomo Antikapitalistek, eta Fernando Buesa bere bizkartzain Jorge Diezekin batera hil zen, ETAren atentatu batean, 2000ko otsailaren 22an. Legebiltzarreko Mahaiak 2014ko otsailean erabaki zuen erakunde terroristek hildako lau euskal legebiltzarkideak —Fernando Buesa, Enrique Casas, Gregorio Ordoñez eta Santiago Brouard— omentzea, erailketaren egunetik hurbilen dagoen osoko bilkuran.
Rufian: "Zer zentzu du gauza bera defendatzen duten ezkerreko 14 alderdik elkarren artean lehiatzeak?"
'Oraina borrokatu, etorkizuna irabazteko' goiburupean, ERCko buruzagiak antolatutako ekitaldian Estatu espainiarreko ezkerreko alderdi guztiek hartu dute parte, EH Bilduk, Podemosek eta BNGk izan ezik.
Sanchezek dio "irmo" jokatu dutela Polizia Nazionalaren bigarrenaren aurkako salaketaren berri izan ostean, eta ez du uste Marlaskak dimisioa eman behar duenik
New Delhin egindako prentsaurreko batean, Espainiako Gobernuko presidenteak esan du hasiera-hasieratik "biktimari" babesa eman diotela eta Jose Angel Gonzalez bere postutik kendu dutela. "Eta, hortik aurrera, ikerketa amaieraraino eramango da, ondorio guztiekin", gaineratu du.
Aburtok amaitutzat eman du Aitor Estebanekin izandako desadostasuna, eta atxilotuen jatorria argitaratu gabe jarraituko du
Bilboko alkateak Segurtasunaren aldeko Itunarekin lotu du bere erabakia, PSErekin, EH Bildurekin eta Elkarrekin Bilbaorekin sinatua.
Marlaskak esan du salatzaileak eskatuz gero emango duela dimisioa
Barne ministroak ez du aintzat hartu PPren dimisio eskaera, eta defendatu egin du Polizia Nazionalaren bigarrenaren aurkako kereilaren aurrean izan duen jarrera.