Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Maria Ubarretxena Gobernantzako, Administrazio Digitaleko eta Autogobernuko sailburua Madrilen bilduko da gaur, Aireportuen Kudeaketarako eta Azpiegituretarako Aldebiko Azpibatzordearen esparruan, erkidegoan dauden interes orokorreko aireportuak Euskadira eskualdatzea aztertzeko. Bilera Lurralde Politikako Ministerioan izango da, eta, bileraren ondoren, sailburuak agerraldia egingo du emaitzaren berri emateko.
Azpibatzorde hori eratzea Imanol Pradales lehendakariak eta Pedro Sanchez Espainiako Gobernuko presidenteak adostu zuten, iazko uztailean egindako Bitariko Lankidetza Batzordean. Helburua da Euskadik aireportuen kudeaketan, konektibitatean eta lehiakortasunean parte hartzeko formulak eta bideragarritasuna aztertzea, Gernikako Estatutuan aurreikusitakoaren ildotik.
Azpibatzordea azaroaren 1ean eratu zen formalki, Madrilen egindako estreinako bileran. Ordutik, Saileko iturrien arabera, maila teknikoan lan egin da, azpiegitura estrategiko horien gainean Euskadik duen kudeaketa-gaitasuna handitzea ahalbidetuko duen formula juridiko eta administratiborik onena definitzeko.
Bestalde, Nerea Melgosa Ongizate, Gazteria eta Erronka Demografikoko sailburuak Espainiako Gobernuari helaraziko dio Espainiako Gobernuak onartutako migratzaileen erregularizazio-prozesua babesteko eta Euskadin izango dituen inplikazioak aurreratzeko beharra. Gainera, Euskadi igarobidean dauden migratzaileen funtsezko puntu gisa aitortzea eskatuko du.
Eusko Jaurlaritzaren datuen arabera, Euskadi dagoeneko aritzen da iparraldeko muga gisa; 2018tik, 40.000 pertsona baino gehiago artatu dituzte, eta horietatik % 90 igarobidean daude. Hori dela eta, Melgosak eskatuko du tresnak eman diezaiotela Jaurlaritzari migratzaileen harrera modu eraginkorragoan, koordinatuagoan eta gizatiarragoan kudeatzeko.
Aenaren diseinu-planean parte hartzeko ahalegina
Ubarretxenak ziurtatu du Eusko Jaurlaritzaren asmoa dela Aenaren dokumentuaren "behin betiko diseinuan" parte hartzea. Hain zuzen ere, Aenak aurreikusi du hurrengo urteetan 13.000 milioi euroko inbertsioa egitea Espainiako Estatuko aireportuetan. Hori horrela, defendatu du Jaurlaritzak zer esana izan behar duela Euskadiko hiru aireportuen inguruko plan estrategikoan.
Radio Euskadin goizean egindako adierazpenetan, adierazi du gaurko bilerara ez duela formula itxirik eramango. Edonola ere, zehaztu du Jaurlaritzak dokumentu hori diseinatzen parte hartzeko ahalegina egin egingo duela.
"Ez dugu formula itxirik planteatuko, nahiago dugu dokumentu horren inguruko erabakiak hartzeko aukera izan. Euskadirentzat garrantzitsua da egitasmo horretan parte hartzea. Halaber, gure hiru aireportuei buruzko plan estrategikoan esku hartu nahi dugu, Loiu, Foronda eta Hondarribia artean lotura egon dadin. Hiru aireportu horietako batean hegazkin batek lur hartzeko arazoak dituenean, Euskadiko beste aireportu batera bideratu ahal izatea da gure helburua. Aukera hori mahai gainean jarri nahi dugu", erantsi du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.