EAJk lehen indarra izaten jarraitzen du Euskadin, EH Bildurekiko eserleku bateko koska duela
Araban, jeltzaleek eta EH Bilduk zortzina eserleku eskuratuko lituzkete, berdindurik, baina EAJ lehen indarra izango litzateke hamarren batengatik, Sumarri eserleku bat irabazita.
Eusko Jaurlaritzak Eusko Legebiltzarrerako boto-asmoari buruz egindako azken galdeketak EAJ eta EH Bildu pare-parean dabiltzala islatzen du. Jeltzaleek 28 eserleku lortuko lituzkete, eta EH Bilduk, berriz, 27, lehen posturako lehia zabalik dagoelarik.
Hirugarren postuan PSE-EE legoke, 12 ordezkarirekin eta botoen % 14,3rekin. Gehiengoak lortzeko giltzarri izaten jarraituko luke. PPk 7 eserleku lortuko lituzke (% 8,7) eta Voxek Ganberan jarraituko luke, legebiltzarkide batekin (% 2,9).
Gehiengo absolutua (38 eserleku) urrun geratuko litzaieke alderdi guztiei, eta, ondorioz, akordioak egin beharko lirateke hauteskundeen ostean. EAJk eta PSE-EEk, batuta, 40 eserleku lortuko lituzkete, muga hori gaindituta. EH Bilduk eta PSE-EEk, elkarrekin, antzeko batuketa lortuko lukete.
Hala ere, dinamika aldatu egiten da lurraldearen arabera. Araban, EAJ izango litzateke lehen indarra, Sumarren kontura eserleku bat irabazita, eta EH Bildurekin berdinketa teknikoan. Bi alderdiek zortzina eserleku lortuko lituzkete, hamarren bateko aldearekin. PSE-EEk eta PPk launa ordezkari lortuko lituzkete, eta Voxek, 1.
Bizkaian, EAJk 11 eserleku lortuko lituzke; EH Bilduk, 8; PSE-EEk, 4, eta PPk, 2. Gipuzkoan, aldiz, EH Bildu izango litzateke lehen indarra, 11 legebiltzarkiderekin, EAJren (9), PSE-EEren (4) eta PPren (1) aurretik.
Abstentzioa % 40 ingurukoa izango litzateke hiru lurralde historikoetan, antzeko kopuruekin: % 40,6, Araban; % 40,5, Bizkaian; eta % 41,5, Gipuzkoan. Gainera, azterlanak zalantzan daudenen portzentaia handia erakusten du: botoa nori eman ez dakitenak % 20 baino gehiago dira lurralde batzuetan, eta horrek ziurgabetasun-tarte handia sortzen du.
Txostena martxoaren 23tik 26ra egituratutako galdesorten bidez egindako 3.030 elkarrizketetan oinarritzen da. Datuak haztatzeko, honako aldagai hauek hartu dira kontuan: 2024n nori eman zioten botoa, euskararen ezagutza eta biztanleriaren banaketa. Errore-marjina ± % 1,8koa da Euskadi osoan, % 95,5eko fidagarritasun-mailarekin.
Eusko Legebiltzarraren egungo banaketarekin alderatuta, galdeketaren arabera, bi indar nagusien arteko lehia are gehiago estutu da. EH Bilduk lehen postua galdu du Araban, EAJren mesedetan, eta, oro har, bi alderdiek eserleku bakar bateko aldea dute elkarren artean.
Zure interesekoa izan daiteke
Nafarroako ikastolek uste dute oraindik badagoela "negoziatzeko tarterik" hezkuntza itunen inguruan
Nafarroako Parlamentuak UPNren lege-proposamena eztabaidatuko du ostegun honetan, ikasgelak aldatzeko irizpideak finkatzea helburu duena.
Pradalesek uste du Vatikanora egindako bisitarekin Euskadiren eta Egoitza Santuaren arteko harremana indartu egin dela
Imanol Pradales lehendakariak Leon XIV.a aita santua agurtu du Vatikanoko audientzia orokorrean, eta, ondoren, ia ordubetez bildu da Pietro Parolin Estatu idazkariarekin. "Balio sinboliko eta instituzional handiko topaketa izan da, Euskadiren eta Egoitza Santuaren arteko harremana sendotzeko aukera" ematen duela ziurtatu du.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Chivitek bere "zintzotasuna" jarri du "berme" gisa: "Inork ez du nire jardunean deliturik aurkitu, ezta aurkituko ere"
Nafarroako Gobernuko presidenteak agerraldia egin du Nafarroako Parlamentuko ikerketa batzordean, eta azpimarratu du bere gobernuan ez dagoela ustelkeriarik.
Pradalesek aita santua Euskadira gonbidatu du, eta "Gernika" lanarekin eta euskararekin lotutako opariak eman dizkio
Eusko Jaurlaritzak oparien balio sinbolikoa nabarmendu du, memoria historikoa, bakearen defentsa eta kultura- eta hizkuntza-aniztasunaren babesa aldarrikatzen baitute.
Geroa Baik akordioa bultzatu nahi du sozialistekin, itunpeko ikastetxeetako ikasgelak ixtea saihestu eta hezkuntza sistema soseguz berrantolatzeko
Unai Hualde, Geroa Bairen Nafarroako Parlamentuko Presidenteak aitortu du tentsio handia sortu duela PSNren eta Geroa Bairen artean, Hezkuntza kontseilariak ikasgelak ixteari buruz egindako iragarpenak, batez ere ikastolak ahulduko dituelako. Geroa Baik ikasgelarik ez ixteko eta hezkuntza sistema soseguz berrantolatzeko denbora eskatu dio alderdi sozialistari. Bihar bozkatuko dute Foru Gobernuan UPNk itunpeko ikastetxeak blindatzeko aurkeztu duen lege proposamena, eta, hori bozkatu beharrik ez izateko, biharko bozketaren aurretik gobernuko taldeen artean akordioa lortzea nahi du Hualdek.
Albiste izango dira: Pradales lehendakariaren eta Leon XIV.a aita santuaren arteko bilera, Trumpen bidaia Txinara eta "Enarak" dokumentalaren estreinaldia ETB1en eta ETBONen
Orain-ek gaur landuko dituen albiste nagusien laburpena.
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok euskararen gaian berdinen arteko negoziazioa egin dadila eskatu du, eta Olanok erantzun du prozesuan ados jar daitezkeela
EH Bilduk Enplegu Publikoaren lege proposamenak parekotasunez negoziatzea eskatu dio EAJri. Jeltzaleek, ordea, edukiei dagokionez elkarrengandik oso urrun ikusten ditu bi proposamenak.
Uxue Barkosek ukatu egin du bere agintaldian ustelkeriarik izan zela, eta zirutatu du ez duela Cerdanekin sekula negoziatu
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko ikerketa batzordean.