UPNk salaketa aurkeztu du Espainiako Futbol Federazioaren aurrean, Euskal Herriko mapa daraman Athleticen kamiseta berria dela eta
Alderdi erregionalistak neurriak hartzeko galdegin dio Lehiaketa Batzordeari eta eragotz dezala lehiaketa ofizialean elastikoa erabiltzea. Ohartarazi duenez, bide judizial guztiak agortzeko prest dago.
Abisua egina zeukan, eta azkenean gauzatu egin du. UPNk salaketa aurkeztu du Espainiako Futbol Federazioaren aurrean Athleticen elastiko berria dela eta. Kamisetak ikurrina eta Euskal Herriaren mapa txiki bat ditu atzealdean.
Cristina Ibarrola UPNren presidenteak agerraldia eskaini du gaur Iruñean, eta bertan azaldu duenez, Federazioaren Lehiaketa Batzordeari neurriak hartzeko galdegin diote elastikoa lehiaketa ofizialetan erabili ez dadin.
Ibarrolaren hitzetan, Euskal Herriko mapak "Nafarroaren errealitate juridiko-administratibo eta instituzionalari kalte egiten dio", eta gogora ekarri du EAEko zein Nafarroako auzitegi nagusiek horren inguruko epaiak eman dituztela. Horien arabera, irudi hori erabiltzea "auzi politikoa" da. Izan ere, horren iritzian, Euskal Herria "juridikoki existitzen ez den lurralde erakundea" da.
Era berean, gogorarazi du Federazioaren araudiak berak ere debekatu egiten du kutsu politikoa duten logo eta mezuak erabiltzea. Azpimarratu duenez, futbolak mediatikoki "eragin handia" du, eta arau zehatzak ditu saihesteko elastikoetan edota ekipamenduan mezu politikoak agertzea.
UPNko buruak "errespetu osoa" agertu nahi izan die Athleticen zaleei eta taldearen koloreak sentitzen dituztenei, eta azpimarratu duenez, "haiek ez dute klubak hartutako erabakiaren errurik".
"Arauak eta auzitegien jurisprudentzia zabala urratu dela eta, ez dugu beste alde batera begiratuko urratzen denean", berretsi du. Are, argi utzi du bide judizial guztia agortzeko prest daudela.
Zure interesekoa izan daiteke
Zupiriak ohartarazi du sektore batzuek Polizia erabiliko dutela liskarretan aitzakia gisa uda honetan
Larunbatean Loiuko aireportuan izandako istiluei buruz EH Bilduk egindako galdera bati erantzunez esan du hori Zupiria sailburuak.
Koalizio gobernuaren aurkako "ofentsiba" argia da Martinezen arabera, baina informazio "larria" ere atera dela onartu du
Radio Euskadin egin dioten elkarrizketan, Lander Martinez Sumarreko Bizkaiko diputatuak zalantzan jarri du EAJk hauteskunde orokorrak aurreratzeko egiten duen eskaera Aitor Esteban EBBko presidenteak planteatutakoa bezain "gogorra eta zuzena" den.
Euskararen biziberritzeak behar duen "paradigma gaurkotua elkarrekin" eraikitzeko deia egin du Pradalesek
Euskararen Aholku Batzordearen bilera zuzendu du gaur arratsaldean Imanol Pradales lehendakariak, Ibone Bengoetxea lehenengo lehendakariorde eta Hizkuntza eta Politikako sailburuarekin batera. "Euskararen etorkizunak kohesio soziala, aliantza berriak eta adostasun zabalak" behar dituela nabarmendu du.
Sanchezek Kongresuan agerraldia egitea eskatu du, azken ikerketa judizialen ostean
Ekainaren 24an izango litzateke azalpenak emateko saio hori, Kontseilu Europarraren hurrengo bileran parte hartu eta gero. Erabaki hau hartu du, PSOEri eragin dioten azken erabaki judizialen ondoren, oposizioak eta Gobernuko kideek azalpenak eta hauteskundeak aurreratzea eskatu dutelako.
Fernandez Diaz Kitchen kasutik bereizi da, esanez operazioaren berri izan zuela prentsan argitaratu zenean
Barne ministro ohiak ukatu egin du ustezko espioitzari buruzko mezurik bidali izana.
Puente ministroak Gobernua "eraisteko" saiakerak ikusten ditu, "demokratikoak ez diren" metodoak erabilita
Epaitegietan irekita dauden eta PSOE zipriztintzen duten prozesuei buruz hitz egin du Garraio eta Mugikortasun Iraunkorreko ministroak Kongresuko pasiloetan. Justiziari lan egiten utzi behar zaiola berretsi du, eta Gobernua eraisteko saiakera bat dagoela uste du.
David Sanchezen defentsak epaiketa baliogabetzea eskatu du
Pedro Sanchez Espainiako Gobernu presidentearen anaia 2017an Badajozeko Diputazioan kontserbatorioetako musika-jardueren koordinatzaile gisa kontratatu izanak legezko baldintza guztiak bete zituen edo ustezko entxufismo kasu bat izan zen argitu beharko du epaimahaiak. Hamaika pertsona daude akusatuen aulkian. Akusazioak 3 urteko zigorra eta gaitasungabetzea eskatzen du; Fiskaltzak absoluzioa eskatzen du guztientzat.
Estebanen esanetan, legegintzaldia "amaierara iritsi da" eta hauteskundeak aurten egitea eskatu du
EBBko presidentearen ustez, egoera politikoa "erabat blokeatuta" dago, eta "interes orokorrak" hauteskundeak deitzea eskatzen duela uste du. Gainera, baztertu du bere alderdiak Espainiako Gobernuko presidentearen aurkako zentsura-moziorik bultzatuko duenik.
EH Bildu: "Etengabe gora doan indarra da EH Bildurena"
Nerea Kortajarena EH Bilduren bozeramaileak uste du urtebete barru izango diren hauteskundeetan 2023ko emaitza "historikoak" hobetuko dituztela.