Gobernu aldaketa nahi dute Sanchezek eta Chivitek, baina EH Bildu gabe
Nafarroan “gobernu aldaketa” nahi dute Pedro Sanchez PSOEko idazkari nagusiak eta Maria Chivite Nafarroako sozialisten buruzagiak, baina EH Bildu Exekutiboko kide izatea “desiragarria” ez dela erantsi dute.
Nafarroako presidentegai sozialistak adierazpenak egin ditu Ferrazen, PSOEko buruzagiarekin bildu eta gero. Sanchez ‘baroi’ guztiekin bilera-sorta egiten ari da iragan igandeko hauteskundeen emaitzak aztertzeko.
Geroa Bai, Bildu eta Ahal Duguren gobernu baten “aukera” planteatzen ari direla “ematen du”, Nafarroako sozialisten buruzagiak onartu duenez. Exekutiboak Ezkerraren babesa ere izango lukeela erantsi du. Ondorioz, sozialisten bozak ez lirateke beharrezkoak.
“Erabakia eurena da”, adierazi du Chivitek. Gobernua aldatzeko apustua berretsi du buruzagi sozialistak, baina ezker abertzalea Exekutibo horretako kide izatea “desiragarria” ez dela argi utzi du.
Gobernu “egonkorra”
Biek “gogoeta berdina” egin dutela azaldu du PSNko buruzagiak. “Foru Erkidegoaren Gobernuan aldaketa nahi dugu”, esan du Chivitek, baina Exekutibo “egonkor” batekin. Zentzu horretan, Gobernu berriaren lehentasunak “pertsonak, gizarte politikak eta Ongizate Estatua sendotzea” izan behar direla adierazi du.
Lurralde bakoitzean beharrezkoak diren akordioak ixteko askatasuna eman die Sanchezek ‘baroi’ei, baina PPrekin itunik ez egiteko eskatu die. Bestalde, EH Bildurekin “distantziak gordetzeko” eskatu zien.
PPrekin akordioetara heltzeko aukera bileran eztabaidatu ote duten galdetu diote kazetariek Chiviteri. Aukera hori baztertu dutela ziurtatu du PSNko idazkari nagusiak.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.