EH Bilduk 'lauko gobernua' nahi du Nafarroan, PSN kanpoan utzita
Adolfo Araiz EH Bilduren Nafarroako Parlamenturako zerrendaburuak esan du koalizio abertzalearen apustua "lauko gobernua" dela, Geroa Bairekin, Ahal Dugurekin eta I-Erekin, PSN "oposizioan" utzita, "bertan egin baitiezaioke ekarpen handiena aldaketa prozesuari".
Araizen esanetan, PSNk "kanporatu du bere burua" Nafarroako aldaketa politikotik; izan ere, "ahal izan duen guztietan itxi dio atea", eta orain, hauteskundeen ostean "garrantziarik gabe" geratuta, ikusi beharko da "duen benetako borondatea", gobernu berriaren "proposamenak onartuz, aldaketarekin bat eginez".
Dena dela, Araizek argi adierazi du lehenik programa dela negoziatu behar dena, eta gero etorriko dela gobernu formula, baina "oinarri orokor" gisa erabakiak Nafarroan hartzea eskatzen du.
"Aski da, esku sartze gehiagorik ez", aldarrikatu du, eta gogor kritikatu du Pedro Sanchez PSOEren buruak Nafarroako aldaketa EH Bildu gabe "nahiago" duela esan izana, agerian uzten duelako sozialistek, "berriro ere, Madrildik erabaki nahi dutela".
Iruña
Bien bitartean, Joseba Asiron EH Bilduren Iruñeko alkategaia I-Eko kideekin bildu da itun bila, eta batzarraren ostean bi aldeak agertu dira Udalean "aldaketa" egitearen alde.
Horren harira, Asironek esan du "udal gobernu barneratzailea" nahi duela, eta akordio "zehatzak eta zabalak" bilatuko dituztela bai PSNrekin bai UPNrekin.
EH Bildu izan zen bigarren indar bozkatuena Nafarroako hiriburuan. Bere gain hartu du UPNri alkatetzako kentzeko udal-gobernua osatzeko negoziazioen lidergoa, eta horregatiak abiatu du bilera-sorta, I-Erekin abiatu duena.
Horren aurrean, Enrique Maya jarduneko alkate unionistak adierazi du "gobernaezina" izango litzatekeela hiria EH Bilduk, Geroa Baik, Aranzadik (Ahal Duguren hautagaitzak) eta I-Ek zuzenduko balute.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.