UPN eta PSN oposiziora doaz, baina 'ezegonkortasuna' iragarri dute
Javier Esparza eta Maria Chivite UPNko eta PSNko zerrendaburuek datorren legegintzaldian oposizioan egongo direla onartu dute publikoki, baina era berean Gobernu berriarekin Nafarroak "ezegonkortasun" arazoak izango dituela iragarri dute.
Esparzak eta Chivitek bilera egin dute gaur Nafarroako Foru Parlamentuan eta bertan buruzagi sozialistak uko egin dio PSNk eta Izquierda-Ezkerrak (I-E) gobernua osatzeko Esparzak egin dion proposamenari. I-Ek bederatzi ordezkari izango ditu Parlamentuan eta gobernu osaketa horrek UPNren (15 ordezkari) eta PPren (2 ordezkari) babesa izango luke.
Chiviteren esanetan, sozialistei ez dagokielako baztertu dute proposamena. Horren aurrean, erabakia partekatzen ez badute ere, onartzen dutela adierazi du Esparzak. Horren ondorioz, orain bi alderdiak oposiziora eta Nafarroa ezegonkortasunera joango direla azpimarratu du UPNko zerrendaburuak.
PSNko zerrendaburuak Esparzari adierazi dio UPNk Geroa Baik antolaturiko bilera erronda parte hartu behar zuela: "elkarrizketa bideak zabaltzea gutxienekoa da". Bestalde, sozialisten hitzetan, "ezinbestekoa da aldaketa politikoa gauzatzea eta UPN oposiziora pasatzea". Dena den, azpimarratu du ez dela haiek nahi zuten Gobernua osatuko.
Maria Chivitek berretsi du haren alderdiak ez duela EH Bildu dagoen itunetan parte hartuko eta berretsi du oposizio "arduratsua" egingo dutela, beti ere, hiritarrentzat ona dena, PSNren programa, printzipioak eta baloreak kontuan hartuta.
Bestalde, Javier Esparzak iragarri du UPN oposiziora joango dela, azken orduko sorpresarik ez baldin badago behintzat, eta oposizio "sendoa eta zorrotza" egingo duela.
Azkenik, nabarmendu du Nafarroan aldaketa politikoa gauzatzeko negoziatzen ari diren alderdiek ezberdintasun handiak dituztela alor garrantzitsuetan, hala nola, zerga politikan, azpiegituretan edo hezkuntzan; aitzitik, "UPN Gobernuan ez egoteko obsesioak batzen ditu".
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.