Uxue Barkos: 'Presak ez ditu negoziazioak azkartu behar'
Uxue Barkos Geroa Bairen Nafarroako presidentegaiak adierazi du "alderdi politikoen presak" ez dituela Nafarroako Foru Gobernu berria osatzeko negoziazioak azkartu behar, baina azpimarratu du nafarrak aldaketaren zain daudela eta lehenbailehen nahi dutela.
Nafarroako Parlamentuko Mahaiaren eta Bozeramaile Batzordearen lehen bileraren ondoren egindako prentsaurrekoan egin ditu adierazpen horiek Uxue Barkosek, Geroa Baik, EH Bilduk, Ahal Duguk eta Izquierda-Ezkerrak Nafarroako Foru Gobernua osatzeko negoziazioak egiten ari diren bitartean.
Negoziazio horietan sektore batzordeen gaia jorratzen ari dira orain, eta Adolfo Araiz EH Bilduko Nafarroako bozeramaileak iradoki du litekeena dela inbestidura saioa uztaileko lehen astean izatea. Dena den, ez da iritzi berekoa Laura Perez Nafarroako Ahal Duguko bozeramailea, ez baitu uste ordurako akordioa lortuko dutenik. Bestalde, Uxue Barkosek nabarmendu du batzuetan ez dela kontuan hartzen politikariak herritarren eskariei erantzuteko daudela, eta gaineratu du gizarteak lehenbailehen nahi duela aldaketa.
Horren harian, Barkosek adierazi du kezka eragiten diola presak negoziazioetan eragina izateak eta baita aldaketa egonkorra eskatzen duen gizartearen beharrei eta premiei erantzuteko modurik egokiena bilatzeak.
Sektore batzordeez galdetuta, zehaztu du asteak daramatzatela horretan lanean, eta "gizartearen errealitatearekin eta adituekin oso harremanetan dauden programak" dituztela abiapuntu.
Bestalde, Adolfo Araizek aipatu du "lan gogorra" dutela aurretik balizko desadostasunak gainditzeko eta sintesi dokumentu bat osatzeko. Gobernu berriko kide izateko aukeraz, berriz, Araizek adierazi du ez duela horretarako interes pertsonal berezirik, eta EH Bilduren aginduetara dagoela.
Laura Perez Nafarroako Ahal Duguko bozeramaileak azpimarratu du "garrantzi handiko gaiak" jorratzen ari direla mahai sektorialetan, eta, horregatik, gaikako banaketa egitearen alde agertu da, arlo bakoitzari (hezkuntzari eta osasunari, besteak beste) behar duen denbora eskaintzeko. "Ikusiko dugu noraino heltzeko gai garen", esan du Perezek. Epetan "zenbagarriak" diren akordio zehatzak lortzeko "moduak" aldatu beharko dituztela gaineratu du.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.