Nafarroako alderdiek lehentasunak markatu dituzte kanpaina hasieran
Kanpaina hasierako ordu ofiziala izan baino lehen, eta CISen azken inkesta mahai gainean zela, Parlamentuan ordezkaritza duten alderdi nafarrek kanpainari hasiera eman diote Iruñean. Udal, foru eta Europako hauteskundeetarako lehentasunak markatu dituzte aurreneko ekitaldietan.
Hiriburuko erdialdeak eta alde zaharrak kanpainako lehen ekitaldiak hartu dituzte 19:00ak eta 20:00ak artean. Euriak eragozpenen bat sortu du, eta kokalekuren bat aldatzera behartu du, baina aparteko arazorik eragin gabe.
Hamaika eguneko nolabaiteko atsedenaldiaren ostean, alderdiek hautagaitzak eta programak aurkezteko aprobetxatu dituzte, hautetsontziekin hitzordu berria hemen baitago jada. CISen azken inkestak Navarra Suma koalizioari botoen % 30,2 (16-17 eserleku) eman dizkio, PSNri % 21,2 (11-12), EH Bilduri % 14,1 (7-8), Geroa Bairi % 14 (7-9), Podemosi % 10,8 (6) eta Ezkerrari % 4,4 (1-2).
Ondorioz, egungo indar oreka alda daiteke, baina, ohi bezala, ez da gehiengo absoluturik izango Nafarroan, eta Gobernua osatzeko zenbait aukera ematen dituzte iragarpenek, itunik adostuz gero.
Testuinguru horretan, Foru Parlamenturako zerrendaburuen lehen mezuak entzun dituzte Nafarroako boto-emaileek. Alkategaien eta Europarako hautagaien laguntzarekin, hauteskundeen garrantzia azpimarratu dute, baita jokoan dagoena ere.
UPNk, Ciudadanosek eta PPk osatutako Navarra Suma plataformak Foruen aldeko monumentuaren alboan egin du kanpaina hasierako ekitaldia. "Nafarroaren arrisku nagusia euskal nazionalismoa eta populismo erradikala dira", esan du Javier Esparza presidentegaiak.
Koalizioaren egoitzan eta ez kalean, hasiera batean aurreikusita zegoen bezala, egin du ekitaldia Geroa Bai koalizioak. Uxue Barkos presidentegaiaren ahotan, Nafarroak "etorkizuna du jokoan". Horregatik, hauteskundeak "irabazteko prest" agertu da, "aurrerapausoak ematen jarraitzeko".
San Frantzisko plazan, Bakartxo Ruiz EH Bilduko zerrendaburuak ziurtatu duenez, aldaketan sakontzeko, lehen indarra izateko eta Gobernua zuzentzeko erronka onartu behar dute. "Ezagutzen dugun erregimenaren eta aldaketa politiko eta sozialak markatu duen etorkizunaren artean" aukeratu beharko dutela erantsi du.
Podemosek Iruñeko Gaztelu plazan hasi du kanpaina. Plazako arkupeetan itsatsi ditu kartelak, sinbolikoki, koalizio moreak. Mikel Buil presidentegaiaren esanetan, "eskuina gelditzeko eta eskubideetan aurrera egiteko balio duen indarra dira".
Sozialistek Alfredo Perez Rubalcaba alderdikidea ez dute ahaztu, eta babes osoa adierazi diote. PSNk Baluarten egin du kanpaina hasierako ekitaldia. Maria Chivite presidentegai sozialistak Nafarroa "foral, berritzaile eta berdinzale" baten aldeko proiektua defendatu du.
Azkenik, Nafarroako Parlamentuaren aurrean, "aldaketa eta ezkerra gehiago irabaztera" doazela esan du Maria de Simon Ezkerrako zerrendaburuak. "Nafarroa sozialago eta barnerakoiagoan sakontzeko" deia egin dio bertan "ezkerreko jendeari".
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.