Enplegua, autogobernua eta gizarte politikak lehen eguneko ardatz, Nafarroan
Nafarroako presidentegaiek mezu desberdinak bota dituzte hauteskunde kanpainako lehen egunean. Enplegua, ingurumena, gizarte politikak edo autogobernua mintzagai izan dituzte.
Alfredo Perez Rubalcaba PSOE idazkari nagusi eta Espainiako Gobernuaren presidenteorde ohiaren heriotzaren berri arratsaldeko lehen orduan izan ondoren, ekitaldiak bertan behera uztea erabaki du PSNk.
Nafarroan enplegu betea lortzeko erronka onartzen dutela nabarmendu du Javier Esparza Navarra Sumako presidentegaiak. Horretarako, "ekonomia aktibatzeko politikak" egingo dituztela agindu du.
Landabenen egindako ekitaldian, krisiak eragindako desberdintasun, langabezia eta prekarietatearen ondotik, pertsona orok lanpostu bat izateko eskubidea duela aipatu eta gainera soldatak lehengoratzeko "borroka" egin behar dela azpimarratu du. Zentzu horretan, Foru Gobernuak "lagundu ez duten" erabakiak hartu dituela kritikatu du Esparzak.
Autogobernuan "asmo handiekin" sakontzea aldarrikatu du Uxue Barkos Geroa Baiko hautagaiak Foruen monumentuan. Barkosen hitzetan, hauteskunde hauetan "etorkizunera begiratzen jarraitu ala iraganera itzultzea" erabakiko du Nafarroak.
"Asmo handien faltak" eta "konplexuak autogobernuaren garapena 40 urtez mugatu dute", salatu duenez. Geroa Baiko zerrendaburuaren ahotan, 2015etik Ekonomi Hitzarmena eguneratu eta Foru Ogasunaren garrantzia azpimarratu dute, nahiz eta Ciudadanosen "erasoak" izan, orain UPNren bidelagun.
Bestalde, gizarte "bidezkoago eta orekatuago" baten aldeko konpromiso "irmoa" agertu du Bakartxo Ruiz EH Bilduko presidentegaiak, pertsonen oinarrizko beharrizanak asetzeko, enplegua, etxebizitza edo gutxieneko diru-sarrerak esaterako.
Aduanako zokoan ekitaldia egin du EH Bilduk. "Erregimenaren" politika "ekonomizistak" kritikatu ditu Ruizek, eta lauko Gobernuaren gizarte politikak kontrajarri ditu, azken legealdiko "oinarrizko giltzarri eta aurrerapausoetako bat", baina "egiteko asko dago".
Taconera parkean, ingurumenaren babesarekin eta klima aldaketaren aurkako borrokarekin konpromisoa azaldu du Mikel Buil Podemoseko hautagaiak. "Hil edo biziko" gaia dela ziurtatu du Builek.
Datorren legealdian "lehentasunez" arazoari heltzeko deia egin die alderdi guztiei, "gazteriak B planik ez dugula esan digulako".
Azkenik, Marisa de Simon Ezkerrako presidentegaiak hauteskunde programa aurkeztu du ostiral honetan. "Ezkerreko aldaketan sakontzeko" 450 proposamen direla esan du De Simonek.
"Jendearekin eta jendearentzako egina", programak "gehiengo sozialaren beharrizanei erantzun eta ingurumena babestearen" alde egiten du, goraipatu duenez.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.