'Sare klientelarren mende' egotea leporatu dio Podemosek EAJri
Lander Martinez Elkarrekin Podemosen bozeramaile eta idazkari nagusiak zalantzan jarri du EAJk ekar lezakeen etorkizuna, "sortutako interesen, sare klientelarren eta erakundeen jabetza kontzeptuaren mende" dagoen alderdia delakoan. Gainera, PSE-EE "eskuindarrekin gobernatzen bakarrik dakien ezkerra" dela kritikatu du, jeltzaleei erreferentzia eginez.
Udal eta foru hauteskundeen kanpaina itxiera ekitaldia egin du koalizio moreak Bilbon. Azken egunetan alderdi batzuek koalizioari "eraso egiteko" erabilitako denbora "deigarria" dela uste du Martinezek, baita "adierazpen batzuen tonu ozena" ere. Buruzagi morearen ahotan, horrek "kezka bakarrik erakusten du", ez inkestengatik, "agenda markatzeko duten gaitasunagatik eta zentraltasunagatik" baizik.
Gainera, EAJ "ez dena" azaltzen "asko" saiatu dira buruzagi jeltzaleak, azpimarratu duenez. "Eliteen alderdi bat ez dela diote, eredu esplotatzailerik ez daukatela eta iragana ez direla. Baina zer etorkizun ordezka dezake erakunde astun baten inertzien, sortutako interesen, sare klientelarren eta Euskadiko erakundeen jabetza kontzeptuaren mende dagoen alderdi batek?", galdetu du.
"Horrelako motxila batekin, udaletarako eta aldundietarako dituzten proposamenak bizirauteko estrategia baten barruan kokatzea ulertzekoa da, herriak eta lurraldeak XXI. mendeko erronketarako prestatu beharrean".
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.