EAJk irabazi du Donostian, eta EH Bildu hirugarren lekura jaitsi da
EAJk irabazi ditu Donostiako udal hauteskundeak. Horrenbestez, Eneko Goia hautagai jeltzalea izango da segur aski Gipuzkoako hiriburuko hurrengo alkatea. Bien bitartean, EH Bildu hirugarren postura erori da.
Hain zuzen ere, botoen % 100 zenbatuta, EAJ izan da indar bozkatuena: 9 zinegotzi lortu ditu (2011n baino hiru gehiago). Ondoren, hauek geratu dira: PSE-EE (7 zinegotzi, duela lau urteko hauteskundeetan lortutako zinegotzi kopuru berbera); EH Bildu (6 zinegotzi, aurrekoetan baino bi gutxiago); PP (3 zinegotzi, aurrekoetan baino 3 gutxiago) eta Irabazi (2 zinegotzi).
Erreakzioak
Eneko Goia EAJko alkategaiak eskerrak eman dizkie donostiarrei, eta hauteslekuetan hartu duten erabakia "egokia" izan dela erakusten saiatuko dela adierazi du.
"Lan handia dugu egiteko; erronka handia izango da denontzat", gaineratu du.
Bestalde, Juan Karlos Izagirre egungo alkate eta EH Bilduko alkategaiak zoriondu egin du Eneko Goia, eta parte-hartzea handia izan izana goratu du.
"Badakigu nora goazen eta zein den defendatzen dugun eredua", nabarmendu du buruzagi abertzaleak, eta "bide horretan" jarraituko dutela aurreratu du.
Zinegotzi berriak
Igande honetako hauteskundeen ostean, hauxe da zinegotzi berrien zerrenda:
EAJ: Eneko Goia, Miren Azkarate, Juan Ramon Viles, Pilar Arana, Jaime Dominguez-Macaya, Aitziber San Roman, Martin Ibabe, Maria Jesus Celaya eta Jon Insausti.
EH Bildu: Juan Karlos Izagirre, Miren Amaia Almirall, Josu Mirena Ruiz, Naiara Sampedro, Axir Jaka eta Olaia Duarte.
PSE-EE: Ernesto Gasco, Duñike Agirrezabalaga, Enrique Jose Ramos, Maria Soledad Garmendia, Miguel Angel Diez, Maria Luisa del Pilar Garcia eta Alfonso Gurpegui.
PP: Miren Albistur, Jose Luis Arrue eta Jose Maria Murguiondo.
Irabazi: Amaia Martin eta Loic Alejandro.
Gipuzkoako beste herri batzuk
Irunen, PSE-EE izan da bozkatuena, botoen % 33,43 eta 10 zinegotzi eskuratuta. Bigarren lekuan, EAJk botoen % 18,24 eta 5 zinegotzi lortu ditu. Ondoren, SPIk botoen % 18,15 eta 5 zinegotzi eskuratu ditu; EH Bilduk, botoen % 12,39 eta hiru zinegotzi; eta PPk, botoen % 7,8 eta bi zinegotzi.
Arrasaten, EH Bilduk gehiengo osoa galdu du, eta bigarren lekura jaitsi da, EAJk boto gehiago jaso baititu. Horren ildotik, koalizio abertzaleak 7 zinegotzi eskuratu ditu (2011n baino 4 gutxiago), eta EAJk 8 (4 gehiago). Bestalde, PSE-EEk hiru lortu ditu, SSPBAk bi eta Irabazik bat.
Pasaian, PSE-EEk irabazi du, bost ordezkari lortuta; hots, EAJk beste, baina boto gehiago bereganatuta. Hain zuzen ere, sozialistek botoen % 27,52 lortu dituzte, eta jeltzaleek, berriz, botoen % 25,66. EH Bildu agintean izatetik hirugarren indar izatera pasatu da (4 zinegotzi eta botoen % 23,52), eta Ahal Duguk botoen % 14,27 eta hiru zinegotzi izan ditu.
Eibarren, PSE-EEk lortu du garaipena berriz, botoen % 41,91 jasota. Hori dela eta, 10 zinegotzi eskuratu ditu, duela lau urte baino bat gehiago. Bigarren EH Bildu izan da (botoen % 24,04 eta 5 zinegotzi), eta EAJ (5 zinegotzi) eta Irabazi (1) geratu dira ondoren. PPk galdu egin ditu duela lau urte lortutako bi ordezkariak.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.