Araiz: 'Uxue Barkos Nafarroako presidentea izango da'
Geroa Baik eta EH Bilduk baieztatu egin dute Nafarroan aldaketa egiteko prest daudela. Bi alderdiek bilera izan dute goizean, Nafarroako etorkizuneko gobernua osatzeko bidean. Uxue Barkos Geroa Baiko presidentegaiak joan den astean hasitako bilera-errondaren baitan elkartu dira, eta bi taldeak gustura atera dira bileratik, akordiorako oinarriak egon badaudela iritzita.
Adolfo Araiz EH Bilduko Nafarroako presidentegaiak adierazi du Uxue Barkos Nafarroako presidente ikusten duela, eta nabarmendu du "akordio programatikoak du lehentasuna".
Bestalde, aukera guztiak zabalik dauden arren, aldaketarako gobernua osatzeko formula egokiena "koalizioa" litzakeela esan du EH Bilduko kideak, eta ezker abertzaleko koalizioak "gobernuko kide izateko nahia" duela azpimarratu.
Uxue Barkos Geroa Baiko presidentegaia ere gustura atera da bileratik, akordiorako bidea eraikitzen hasi direlako. "Eraikinaren oinarriak akordio programatikoan egongo dira. Bilera lasaia izan da. Akordiorako bidea finkatzen ari gara", esan du.
Barkosek aurreratu du ez diola EH Bilduri eskatuko gaitzetsi dezan ''ETArena izan den eta den'' indarkeria, ''ez beste edozein indarkeria'', EH Bildu formazioa ''erabat legala'' delako eta ''zalantzarik gabeko'' babesa izan duelako hauteskundeetan. Edonola ere, ''bai eskatuko zaio ordezkari orori, gure botoarekin, guztion ordezkari den orori''.
PSN
PSNk etorkizuneko gobernuan izango lukeen lekuari buruz galdetuta, Araizek argi utzi du EH Bilduk ez duela zentzu horretan "oztoporik" jarriko, nahiz eta euren ustez, PSNk gobernu berriko kide ez lukeen izan behar.
Barkosek, bestalde, onartu du Geroa Bairen asmoa dela ''33ko akordioa lortzea'', PSNri ateak irekita.
Ahal Dugu
Azkenik, Pablo Iglesias Podemos alderdiko buruak EH Bildurekin akordioak lortzeko jarri ditzakeen oztopoez galdetu diete. Barkosek esan du, hala balitz, Iglesiasek ''esan'' egin beharko lukeela; Araizek, bestalde, ''Nafarroako egoera aztertzeko'' esan dio Podemoseko buruari.
Gobernua osatzeko bilerak
Barkosek gidatutako koalizioak hainbat bilera egin ditu dagoeneko; Izquierda-Ezkerra, PSN, PPN eta Ahal Dugu Nafarroa alderdiekin bildu da aurreko egunotan. Geroa Baik negoziazioak bideratzen ditu, Nafarroako bigarren indarra delako, bederatzi parlamentarirekin. Gehiengo osora heltzeko (26 eserleku) EH Bilduren (8), Ahal Dugu Nafarroaren (7) eta Izquierda-Ezkerraren (2) botoak behar ditu.
oak behar ditu.Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.