Arabako PSE-EEk esan du ez duela arazorik Urtaranekin hitz egiteko
Arabako PSE-EEk adierazi du ez duela "inolako arazorik" Gorka Urtaran Gasteizko alkate berriarekin hitz egiteko. Urtaranek gaur esan du, sozialistek hala nahi badute, jeltzaleekin koalizio gobernua osa dezaketela "astelehenetik aurrera"; izan ere, "ateak irekita daude".
Europa Press albiste agentziari egindako adierazpenetan, Arabako sozialistek baieztatu dute Gasteizko zinegotzi sozialisten eta jeltzaleen arteko harremanak "onak" direla. "Beti harreman ona izan dugu, baina gauza bat da harreman onak izatea eta bestea itun bat urratzea", adierazi dute.
Bilera bat egiteko Urtaranen deirik jaso ez dutela adierazi ostean, Arabako PSE-EEko iturriek nabarmendu dute ez dutela inolako arazorik Urtaranekin hitz egiteko. Dena den, gogoratu dute PSE-EEren Euskadiko zuzendaritzak bilera egingo duela astelehenean Andoainen gertaturikoa aztertzeko. Gogoratu, EAJren zinegotzi batek emandako boto zuriak Andoaingo alkatetza berreskuratzea eragotzi ziola PSE-EEri, EH Bilduren mesedetan.
Ondoren, eta Andoainen gertatukikoaren ondorioz, PSE-EEko Gasteizko zinegotziak abstenitu egin ziren alkatea aukeratzeko bozketan; aitzitik, Gorka Urtaran aukeratu zuten Gasteizko alkate EH Bilduren (6 zinegotzi), EAJren (5 zinegotzi), Hemen Gauderen (2 zinegotzi) eta Irabaziren (zinegotzi bat) babesari esker.
"Bilera batera deitzen bagaituzte, Urtaranekin edo EAJrekin hitz egingo dugu eta hortik aurrera ikusiko dugu zer gertatzen den", adierazi dute. "Erakunde guztietan elkar ulertu beharko dugu", gaineratu dute.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.