PP: 'Gasteizko lotsagabekeria politikoak ondorioak ekarriko ditu'
Javier Maroto alkate ohiari alkatetza kentzeko EAJk, EH Bilduk, Hemen Gaudek eta Irabazik euren bozak batu izana salatu du igande honetan Nerea Llanos Euskadiko PPren idazkari nagusiak.
Horren irudiko, Gasteizen jazotakoa "lotsagabekeria politikoa, hipokrita eta zekena izan zen". "Politikan guztia ez da onartezina, eta lotsagakeriak, itxurakeriak eta zekenkeriak ordaindu egiten dira, eta hori guztiak ondorioak ekarriko ditu".
Bilbon egindako adierazpenetan Llanosek azpimarratu duenez, PPren hautagaia "maiatzaren 24ko hauteskundeetako irabazle garbia izan zen, eta orain alkate izendatu dutena, berriz, galtzaile, 16.000 boza eskuratu zituelako, eta hirugarren indar bihurtu baitzen". "Gasteiztarrek Maroto nahi zuten alkate bezala, zerrenda bozkatuena izan baitzen", gaineratu du.
Zentzu horretan, Llanosek EAJ salatu du "zerrenda bozkatuaren argumentua haren komenentziara erabiltzen duelako. Euskadi osoan boterea bereganatzeko erabili izan du, eta duela lau urte Donostiako Udaletik eta Gipuzkoako Aldunditik Bildu ez botatzeko ere erabili zuen, baina dirudienez, argumentu horrek bakarrik balio du zerrenda bozkatuena EAJ denean".
Lehenengo indarra izaten lortzen ez dutenean, jeltzaleak "bulegotan aritzen dira, hautetsontzietan lortu ez dutena eskuratu ahal izateko", gaineratu du Llanosek. "Eta horretarako Bildu bezalako alderdi baten babesa jaso behar badute, hala egiten dute, ETAren ekintza terrorista gaitzetsi ez duen alderdia izan arren", nabarmendu du Alderdi Popularreko buruak.
"Orain arte jazotakoaren arabera, zentzugabekeria da EH Bilduk elkarbizitzarako lerroak zehaztu izana", nabarmendu du. "EAJ da Euskadiko benetako kasta, gauza guztien gainetik boterearen bila dabilelako, PSE-EEk eta Ahal Duguk babestuta, eta EH Bilduri dena emanda", ondorioztatu du.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.