Ahal Duguk hartuko du Nafarroako Parlamentuko Presidentetza
Ahal Duguk hartuko du datozen lau urteetan Nafarroako Foru Parlamentuko Presidentetza, Geroa Baik, EH Bilduk, Ahal Duguk eta Izquierda-Ezkerrak Nafarroan aldaketa gauzatzeko lortutako akordioari esker.
Akordioaren arabera, bestalde, Geroa Bairen esku geratuko da Foru Parlamentuko Mahaiko Presidenteordetza, eta EH Bilduren esku, Idazkaritza Nagusia. Hala, karguak taldeen artean banatuta, denen kontrolpean egongo da Mahaia.
Maiatzaren 24ko hauteskundeen ostean, Geroa Baik, EH Bilduk, Podemosek eta Izquierda-Ezkerrak abiatutako negoziazioen ondorioz iritsi da akordioa. UPN agintetik kendu eta Nafarroako Gobernuan aldaketa bermatzea izan da alderdion helburua.
Asteazken honetan, 11:00etan, osatuko da Nafarroako Parlamentua.
Kontu-ikuskapena
Bestalde, “herritarren parte-hartzearekin kontu-ikuskapena” egiteko proposamena jaso dute Geroa Baik, EH Bilduk, Ahal Duguk eta Ezkerrak akordioan.
Lau aldeko hirugarren bilera egin eta gero zirriborro bat argitaratu dute. Geroa Baik igorritako agiriak orain arte adostutakoa biltzen du. Birsorkuntza demokratikoa, gardentasuna, parte-hartzea eta ustelkeriaren aurkako borroka “lehentasunak” direla dio zirriborroak. “Herritarren zerbitzura” dauden erakunde “barneratzaile, garden, zorrotz eta eraginkorren” aldeko apustua egin dute.
Kontu orokorren egoera zehatza ezagutzea beharrezkoa dela uste dute. Zentzu horretan, Foru Erkidegoaren zorra eta hartutako konpromiso ekonomikoak zenbatu beharko dituztela azaltzen du dokumentuak.
Bake, memoria eta giza eskubideen defentsarekin, konpromisoa
“Bake, memoria eta giza eskubideen defentsarekin erabateko konpromisoa” hartu dute lau alderdiek: Terrorismoaren Biktimak Laguntzeko 2010eko foru legea, eskuin muturreko taldeek edo funtzionario publikoek eragindako biktimei kalte-ordaina emateko 2015eko foru araua eta 1936ko estatu-kolpean hildako nafarren kalte-ordainerako 2013ko foru legea betetzea.
“Mendekurik gabe” nafar guztien arteko “bizikidetza lortzeko aldaketa barneratzailea” lehentasunen artean aipatzen du zirriborroak; “kalitatezko” lanpostuak sortzea; oinarrizko zerbitzu publikoen defentsa eta pobrezia, bazterketa eta desberdintasunen kontrako borroka.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.