Xabier Olano: 'Erabakitze eskubidearen aldeko berme bakarra gara'
Xabier Olano EH Bilduren Gipuzkoako ahaldun nagusirako hautagaiak "erabakitzeko eskubidea defendatuko duen foru gobernua" aldarrikatu eta bere hautagaitza hori bermatuko duen bakarra izango dela azpimarratu Gipuzkoako Batzar Nagusietan astearte honetan egiten ari diren inbestidura saioan.
Euskara hutsetan egindako hitzaldian, erabakitzeko eskubidearen eta autodeterminazioaren aldeko berbak izan ditu Olanok eta igandean euskal hiriburuetan ikusitako "irudi ederrak" hartu ditu gogoan, Gure Esku Dago ekimenaren harira.
"Ezberdinen arteko zubiak eraikitzeko garaia da, euskal gizarteak bere etorkizuna erabakitzeko gaitasuna izateko baliabideak jartzeko garaia da, eta horretarako, guztion artean adostu behar dugu zelan gauzatuko diren proiektu politiko guztiak: autonomismotik independentziara. Izan PPkoa, Ahal Dugukoa, EAJkoa edo EH Bildukoa, denok libre izateko eskubidea dugu. Denok gure etorkizuna erabakitzeko eskubidea dugu", aldarrikatu du.
Autokritika
Azken lau urteetan EH Bilduren gobernuak egindako ibilbidearen errepasoa egin du Olanok. Agertu duenez, koalizioak "esfortzu handia egin du biktimengana eta sentsibilitate guztiei hurbiltzeko; autokritika egin dugu". Olanoren aburuz, "indarkeria mota batzuk badiraute: esaterako, dispertsioa, abokatuen atxiloketa, poliziaren errepresioa eta epaiketa politikoak". Horren harira gogorarazi duenez, Gipuzkoan "34 herriko taberna konfiskatu dituzte, Frankismotik egindako konfiskazio handienetarikoa ziurrena".
Hala,"biktima guztien" aitortza egiten jarraitzearen alde egin du koalizio abertzaleko hautagaiak. Besteak beste, giza eskubideen urraketen datu basea egitea edo Egiaren Batzorde bat eratzea aipatu ditu horren kontura.
"Azken lau urteetan egindako aurrerapauso sozialetan atzera egitea bermatuko dugu, baita gizarte eredu justu eta berdinzaleago baten aldeko bidea ere", adierazi du.
Politika ekonomikoa
Ekonomia sustatzeko bere plana xehe-xehe azaldu du Olanok. Hori horrela, gizarte zerbitzuetan eta hondakinen kudeaketan enplegua sortzeko eta tokian tokiko garapenean oinarritutako industria politika garatzeko konpromisoa hartu du EH Bilduren hautagaiak.
Hondakinen kudeaketari dagokionez, Zestoako herritarren artean Osinbeltzeko biltegiari buruzko herri galdeketa egitea eta prozesua ixtea aipatu ditu, besteak beste. Politika fiskalari dagokionez, Aldundiak indarrean jarritako aberastasunaren gaineko zerga aldarrikatu du eta sozietateen gaineko zerga erreformatu beharra dagoela azpimarratu.
Bidegi auzian larregi sakondu gabe, "ustelkeriarik gabeko gobernua" defendatu du Olanok, eta diru publikoa bidegabe erabiltzen denean salatzen jarraituko dutela azpimarratu du.
90 minutu inguruko hitzaldia politika feministak aipatuz amaitu du Olanok. Horren ildoan, Irungo eta Hondarribiko alarde mistoei harrera ofiziala egin zien lehen foru gobernua EH Bildurena izan zela gogorarazi du.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.