"Gazteek euren bizitza-proiektua garatzeko lurralde" bihurtuko duela Bizkaia hitzeman du Etxanobek

"Gazteek euren bizitza-proiektua garatzeko lurralde" bihurtuko duela Bizkaia hitzeman du Elixabete Etxanobe Bizkaiko ahaldun nagusirako EAJren hautagaiak, igande honetan Bakion izandako kanpainaurreko ekitaldi batean. Itxaso Atutxa EAJren BBBko presidentea eta Gorka Uriarte Bakioko alkategaia ere bertan izan dira, alderdiaren beste ordezkarirekin batera.  

"Bizkaia hobe bat egiteko eta etorkizuneko Bizkaia prestatzeko erantzukizuna gure gain hartzen dugu. Eta eragile eta belaunaldi desberdinen artean partekatutako lana izango da. Gazteek ekarpen handia egin ahal diezaiokete gizarteari: talentua, ilusioa, prestakuntza eta konpromisoa. Ezin dugu gure gazteria baztertu", defendatu du.