Aurrekontu Orokorrak
2022/11/20 - 15:30
EAJk Aurrekontu Orokorrak babestuko dituela iragarri du Aitor Estebanek
Jeltzaleek aurkeztutako zuzenketen % 70 onartu direla azaldu du Estebanek, eta ez du baztertzen gehiago izatea.
2022/11/11 - 13:33
EAJk 70 milioi euroko balioa duten 48 zuzenketa partzial sartu ditu Estatuko Aurrekontu Orokorretan
Aitor Esteban EAJk Kongresuan duen bozeramaileak zehaztu duenez, negoziazioa "ez dago erabat itxita", eta, beraz, zuzenketa berriak egin nahi dituzte.
2022/10/31 - 17:37
Gipuzkoak 1.129 milioi euroko aurrekontuak aurkeztu ditu 2023rako, 2022an baino 87,6 milioi gehiago
Gipuzkoako Foru Aldundiak 2023ko aurrekontu orokorretarako proposatutako proiektuak zenbatekoaren % 8,41ko hazkundea suposatzen du aurreko urtekoarekiko.
2022/10/30 - 11:56
Pedro Azpiazu: ''Gaur egun, ez dugu Euskadin atzeraldirik ikusten''
Eusko Jaurlaritzako Ekonomia eta Ogasun sailburuak adierazi duenez, Euskadik hazkunde ekonomiko sendoa du, balizko atzeraldiari aurre egiteko.
2022/10/27 - 22:33
Kongresuak atzera bota ditu 2023ko Aurrekontu Orokorrei aurkeztutako osoko zuzenketa guztiak
Espainiako Gobernuak adierazi du sedizio delitua aldatzeko lege proposamena eramango duela, Esquerrari erantzunez. Badirudi horrek Botere Judiziala berritzeko PPrekin egin beharreko negoziazioak hoztea ekarri duela. Sedizio delitua, hala, bete-betean sartu da, eztabaida politikoan.
2022/10/27 - 16:51
Zazpi osoko zuzenketak atzera bota ditu inbestidurako blokeak
Kongresuan, gaur ere aurrekontuen eztabaida da albiste, eta besteak beste EAJk eta EH Bilduk hartu dute hitza. Jakina da ez dituztela aurkeztu diren osoko zuzenketak babestuko, baina izan da zer esanik aurkeztu den aurrekontu proiektuaren kontra ere.
2022/10/26 - 15:32
Maria Jesus Monterok eskua luzatu dio 'mundu guztiari' Aurrekontuak negoziatzeko
"Zuzenketa partzialetan kontu publikoak hobetzeko eskua luzatzen dizuet", azpimarratu du, eta "ezezkoa erabakita dutenei" esan die espainiarrek ez dutela onartuko gaur egungo egoeran aurrekontu hauei bizkar ematea.
2022/10/24 - 13:13
EH Bilduk ez du Espainiako Aurrekontuen tramitazioa oztopatuko negoziatzeko bidea ikusten duelako
EH Bilduk ikusten du bidea Espainiako Aurrekontuak Gobernuarekin negoziatzeko eta horregatik erabaki du tramitazioari oztoporik ez jartzea eta osoko zuzenketarik ez aurkeztea, Mertxe Aizpurua EH Bilduren Kongresuko bozeramailearen arabera.
2022/10/21 - 16:23
EAJk akordioa lortu du Kupoa berritzeko, eta ez die osoko zuzenketarik egingo Espainiako aurrekontuei
EAJk ez die osoko zuzenketarik egingo Estatuko Aurrekontu Orokorrei, Kupoa berritzeko akordioa lortu ostean, Aitor Estebanek prentsaurrean jakitera eman duenez.
2022/10/21 - 16:10
Kupoa berritzeko akordioa lortu du EAJk, eta ez die osoko zuzenketarik egingo Espainiako aurrekontuei
Aitor Esteban Kongresuko EAJren bozeramaileak eman du akordioaren berri.
2022/10/21 - 15:38
EH Bilduk eta ERCk ez diete zuzenketarik aurkeztuko Sanchezen aurrekontuei
Koalizio independentistak eta kataluniarrek iragarri dute azkenean ez dutela aurkeztuko 2023ko Aurrekontu Orokorren aurkako osoko zuzenketarik, gobernuarekin dituzten negoziazioei tartea emateko.
2022/10/16 - 13:14
Matute: "Jarrera itxia ikusten badugu, baliteke aurrekontu orokorren aurkako osoko zuzenketa aurkeztea"
Oskar Matute EH Bilduren Kongresuko bozeramailearen ondokoak berretsi du Estatuko Aurrekontu Orokorrak negoziatzeko prest daudela, baina "beti" dagoela "osoko zuzenketaren aukera".
2022/10/15 - 19:36
Espainiak 10.500 milioi euroko diru-sarrerak iragarri dizkio Bruselari, energia-krisiari aurre egiteko
Gobernuak 2023ko Aurrekontu Plana bidali dio Europako Batzordeari. Plan horrek diru-sarreren eta gastuen bi agertoki ekonomiko aurreikusten ditu lehen aldiz.
2022/10/13 - 13:11
Mireia Zarate: ''Transferentziak bai ala bai bete egin behar dira, guk Estatuko aurrekontuak onartu edo ez''
"Beti pentsatu dugu egonkortasunerako akordioak onak direla eta aurrekontuetan horrela erakutsi behar da", adierazi du EBBren idazkariak ETB1eko "Egun on Euskadi" saioan.
2022/10/07 - 22:47
Aurrekontu orokorrek inbertsioak aurreikusten dituzte euskal aireportuetan, portuetan eta Zubietako kartzelan
Inbertsio garrantzitsuak egingo dira aldiriko trenbide sarean. Guztira, 90 milioi euro bideratuko dira. Aireportuen kasuan, ia 19 milioi euroko inbertsioa aurreikusita dago. Eta portuen kasuan, Bilboko portura 43 milioi bideratuko dituzte eta Pasaiarako, aldiz, ia 18.
2022/10/07 - 15:37
Espainiako Gobernuak 385,6 milioi euro bideratuko ditu Abiadura Handiko Trenaren lanetara
Estatuko Aurrekontu Orokorren proiektuaren arabera, inbertsio erreala 558,8 milioi eurokoa izango da eta horri zeharkako inbertsioa (153,7 milioi) gehitu behar zaio. Diru gehiena azpiegituretara bideratuko da: 510 milioi euro trenbideetarako eta 61 milioi Bilboko eta Pasaiako portuetarako.
2022/10/07 - 15:27
Aurrekontu Orokorretan benetako inbertsioan Nafarroak jasoko dituen 103 milioietatik, 62 AHTrako izango dira
Foru Erkidegoak Estatuko bigarren inbertsiorik txikiena jasoko du, baina, 2022ko Aurrekontuekin alderatuta, inbertsio hori beste inon baino gehiago hazi da. "Egonkortasuna eta ziurtasuna eskaintzen dituzte kontu hauek", dio Jose Luis Arastik, Espainiako Gobernuak Nafarroan duen bozeramaileak.
2022/10/07 - 13:49
Azpiazuren ustez, Euskadik 2023an ordaindu beharreko kupoaren zenbatespena "ez da oso altua"
Era berean, Eusko Jaurlaritzako Ekonomia eta Ogasun sailburuak kritikatu du Espainiako Gobernuak Euskadin egindako inbertsioak "oso txikiak" izan direla beti.
2022/10/06 - 22:48
Euskal Autonomia Erkidegoak 558 milioi euro hartuko ditu inbertsioetan; Nafarroak, 103 milioi euro
Euskal Autonomia Erkidegoak 558 milioi euro hartuko ditu inbertsioetan; partidarik handiena trenen azpiegituretara bideratuko da. Nafarroaren kasuan, 103 milioi euro izango dira.
2022/10/06 - 18:10
Euskadik % 19 gehiago ordainduko dio Estatuari 2023an, eta % 14 gehiago jasoko du aurrekontu orokorretatik
2023an 1.680 milioi euroko kupoa ordainduko dio EAEk Espainiako Estatuari. Bestalde, Nafarroak 645 milioi ordaindu beharko ditu 2023an. Estatuko Aurrekontu Orokorren proiektuak, ostera, 103,84 milioi euro bideratuko ditu Foru Erkidegora.