Gipuzkoak 1.129 milioi euroko aurrekontuak aurkeztu ditu 2023rako, 2022an baino 87,6 milioi gehiago
Gipuzkoako Foru Aldundiak 2023rako aurrekontu orokorretarako proiektua aurkeztu du astelehen honetan, eta 1.129,4 milioi euroko aurrekontu propioa mahaigaineratu du horrek, 2022an baino 87,6 milioi gehiago alegia, eta % 8,41 gehiago. Markel Olano Gipuzkoako ahaldun nagusiak azpimarratu duenez, "aurrekonturik handiena" da foru erakundearen historian.
Nabarmendu duenez, aurrekontu "sozialak, inbertitzaileak eta jasangarriak" dira. Gizarte esparruan, "inoizko konturik sozialenak ditugu, petsonarik zaurgarrienak uneko egoeraren aurrean babesteko", eta, lehen aldiz, "700 euro bideratuko dira biztanleko, gizarte politiketan".
Ekonomiari dagokionez, berriz, helburua da "ehun ekonomikoa babestea eta etorkizuneko ekonomiaren oinarriak indartzea, izaera inbertitzaileko aurrekontu batekin", eta bikoiztu egingo dira "jasangarritasunarekiko konpromisoa, klima aldaketaren aurkako borroka eta eredu sozial eta ekonomiko jasangarriago bateranzko trantsizioa".
Jose Ignacio Asensio Ingurumeneko eta Obra Hidraulikoetako foru diputatuarekin eta Jokin Perona Ogasun eta Finantzetako foru diputatuarekin batera aritu da Olano, datorren denboraldirako foru aurrekontu proiektuari buruzko nondik norakoak aurkezteko.
Aldundiko Gobernu Kontseiluak onartu egin du proposamena, eta eguerdian Xabier Ezeizabarrena Gipuzkoako Batzar Nagusietako presidenteari helarazi diote. Proiektua Foru Ganberan eztabaidatuko da, batzordean lehenik, zuzenketen bidez gero eta osoko bilkuran azkenik. Prozesuak bi hilabete inguru iraungo du eta, aurreikuspenen arabera, 2023ko foru kontuek urtea amaitu baino lehen jaso dezakete Batzarren behin betiko oniritzia.
"Ziurgabetasunen aurrean", Olanok "konfiantza eta lasaitasun" mezua bidali nahi izan du eta, nabarmendu duenez, "Gipuzkoako Foru Aldundian etxerako lanak egin ditugu eta prest gaude".
Zure interesekoa izan daiteke
Renferen aldiriko trenak Hendaiara iritsiko dira urrian eta Frantziako abiadura handikoak Irunera, urtarrilean
Brinkola-Irun lineako trenak Hendaiara iristea ahalbidetuko duen akordioa sinatu berri dute Espainiako Garraio Ministerioak eta SNCF Frantziako tren konpainiak, Parisen. Era berean, TGV konpainiako tren lasterrak Gipuzkoako udalerrira arte helduko dira datorren urtetik aurrera.
Talgok eta Renfek 132 milioiko akordioa sinatu dute eta Avril trenen kontratu polemikoa itxitzat eman dute
Akordioaren arabera, Talgok 200 milioi euro jasoko ditu hiru hilabeteko epean, eta Renferekin zuen zigorra 2032an hasiko da ordaintzen.
Gizarte Segurantzako afiliatuen kopuruak gora egin du Euskadin eta Nafarroan, baina langabeziak ere gora egin du
Gipuzkoak izan du langabeen kopuruan gehikuntzarik handiena, eta Bizkaia da nagusi kotizatzaile berrien esparruan. Arabak, aldiz, balantze negatiboa du bi adierazleetan.
Gaurtik aurrera eskatu ahal izango dute Euskadiko familiek seme-alabengatiko 200 euroko dirulaguntza
Seme-alabak 4 urte izan arte luzatuko da laguntza hori, eta lehen aldiz tutoretza- eta harrera-familiei zabalduko zaie. Guraso bakarreko familien kasuan, gainera, seme-alabak 4 eta 7 urte izan bitartean, hilero 100 euroko laguntza jaso ahal izango dute.
Aldundiek eskumena izango dute beste lurraldeetako ibilgailu gidaridunen zerbitzua ematen duten enpresak zigortzeko
Euskadiko Garraio Agintaritzak protokolo bat adostu du VTC zerbitzuetan ikuskapenak eta zehapenak koordinatzeko.
Uztailaren 7an sartuko da indarrean Tubacexen lan-erregulazioa, langile-batzordearekin akordiorik lortu gabe
Aldi baterako lan-erregulazioak 430 langileri eragingo die. ELA sindikatuak iragarri du helegitea prestatzen hasiko dela, eta LAB egoera aztertzen ari da bere zerbitzu juridikoekin.
Jainagak eta Tubacexek Tubos Reunidos erosteko interesa erakutsi dute
Bilboko enpresariak eta Laudioko konpainiak erosketa prozesuaren lehen izapidea bete dute; eskaintza bat aurkeztu aurretiko interesa agertu dute.
Greba mugagabea deitu dute Bergarako eta Zarauzko IAT zentroetan uztailaren 13tik aurrera
ELA eta LAB sindikatuek lanuztera deitu dute lan-hitzarmena berritzeko negoziazioaren "blokeoa" dela eta.
Eusko Jaurlaritzak hamarren bat igo du EAEko BPGaren hazkundearen 2027rako aurreikuspena, eta 2026koa mantendu du
Aurreikuspenen arabera, enpleguak gora egingo du, industria pixkanaka suspertuko da eta soldatek bilakaera positiboa izango dute. Adierazle horien arabera, euskal ekonomiak "hazkunde egonkorraren bideari" eusten dio.
Batasunetik kanpo erositako 150 eurotik beherako pakete txikien gaineko zerga kobratzen hasi da EB
Europak galga jarri nahi die batez ere Txinatik (Temu, Shein eta AliExpress enpresen bitartez) Europar Batasunean sartzen diren kostu txikiko inportazioei. Orain arte, 150 euroz azpiko pakete txikiak muga-zergak ordaintzetik salbuetsita zeuden.