Espainiako Gobernuak 385,6 milioi euro bideratuko ditu Abiadura Handiko Trenaren lanetara
2023ko Estatuko Aurrekontu Orokorretatik Euskal Autonomia Erkidegora bideratuko den diruaren berri eman du gaur goizean Denis Itxaso Gobernu ordezkariak. Zehazki, inbertsio erreala 558,8 milioi eurokoa izango da, 2022an baino % 9,1 gehiago, eta horri zeharkako inbertsioa (153,7 milioi) gehitu behar zaio.
Lurraldez lurralde honela banatuko da dirua: Araba, 115,71 milioi; Bizkaia, 199,55 milioi, eta Gipuzkoa, 243,53.
Inbertsio gehienak garraio azpiegituretara bideratuko dira. 510 milioi euro trenbideetarako izango dira, horietatik 385,6 milioi, Abiadura Handiko Trenaren lanetara, eta 61 milioi, Bilboko eta Pasaiako portuetarako.
Trena
Abiadura Handiko Trenak hartuko du zatirik handiena, 385,6 milioi euro. Espainiako Gobernuak 250 milioi euro jarriko ditu eta Eusko Jaurlaritzak, Kupoaren bitartez, 135,6 milioi.
Abiadura Handiko Trena
Hauek dira diru partida aipagarrienak:
- Bilbo-Gasteiz-Donostia: 170,39 milioi
- Europa barneko garraio sarea: 75,09 milioi
- Astigarraga-Irun zatia: 70,3 milioi
- Burgos-Gasteiz lotura: 4,5 milioi
- Irungo geltokia: 4,1 milioi
Gainerako trenbide sarea
- Bizkaia: 35,2 milioi euro. Diru gehiena Bilboko aldirietako zerbitzuan hobekuntzak egiteko eta Zorrotzarako bideratuko da.
- Araba: 21 milioi euro, horietatik 18,2, Jundizeko terminalerako.
- Gipuzkoa: 34,9 milioi euro, horietatik 31,7 milioi euro Donostiako aldirietako zerbitzurako.
Renfek, ostera, 32 milioi euroko aurrekontua izango du geltokietan hobekuntzak egiteko: Laudion, Barakaldon, San Mamesen eta Autonomian (Bilbo) eta Peñotan (Santurtzi).
Aireportuak
Euskal Autonomia Erkidegoko aireportuetan aurreikusitako inbertsioa 18,46 milioi eurokoa da: 14,53 milioi, Bilboko aireportuan; 2,77 milioi, Gasteizko aireportuan; eta 0,46 milioi, Donostiako aireportuan.
Portuak
Espainiako Gobernuak 61,5 milioi euroko inbertsioa egingo du Bilboko eta Pasaiako portuetan.
- Bilboko portua: 43,52 milioi, ingurumen, jasangarritasun eta energia alorrei lotutako lanak egiteko, kai-mutur nagusiaren lanetarako, eta AZ1 kaia luzatzeko.
- Pasaiako portua: 17,8 milioi euro, lonja berria eraikitzeko eta kaiaren edukiera handitzeko, besteak beste.
Zubietako kartzela
Zubietako kartzela berria egiteko diru partida bat aurreikusi du Espainiako Gobernuak 2023ko aurrekontu proiektuan, nahiz eta espetxeen kudeaketa Eusko Jaurlaritzari dagokion.
Zehazki, Espainiako Gobernuak 24,1 milioi euroko inbertsioa egingo du. Obra zibila 2023. urtearen erdialderako amaituta egongo dela esan du, erabilgarri noiz egongo den zehaztu gabe.
Zure interesekoa izan daiteke
Euskadik 407 milioi euro jasoko ditu Estatutik mendekotasun sistema finantzatzeko 2027an, duela hiru urte baino bi aldiz gehiago
Akordio berriak bermatzen du Estatuak gastuaren % 50 finantzatuko duela, eta ekarpen hori "babestuta" geratuko da etorkizuneko lege aldaketen aurrean.
EAEk urtean 250 milioi euro gehiago jasoko ditu Espainiako Gobernutik, mendekotasun arreta finantzatzeko
Kontzertu Ekonomikoaren Batzorde Mistoak aho batez onartu du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendetasun sistemara bideratutako gastuen % 50 Estatuak ordainduko du datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.
ELAk eta LABek elikadura-merkataritzako grebak jarraipen zabala duela nabarmendu dute
Sindikatuek salatu dutenez, patronalak eta kate handiek probintzia-hitzarmen propioak edukiz hustu nahi dituzte eta estatu-esparru prekarioagoa inposatu.
Hamar enpresak Tubos Reunidosi buruzko informazioa eskatu dute, konkurtso-administratzaileak jakinarazi duenez
Konkurtso-administratzaileak jakinarazi die Trapagarango lantegiak "azarora arte ekoizpena nahiko ziurtatuta" duela.
Ontzi nautiko elektriko eta deskarbonizatuak sortzeko industria-sektorea izango du Euskadik
Proiektuak 71 lanpostu sortuko ditu zuzenean, eta 120 inguru zeharka. Dena ondo bidean, hiru urteren buruan oso-osorik Euskal Autonomia Erkidegoan diseinatu eta fabrikatutako ontzi elektrikoen belaunaldi berri bat merkaturatuko da nazioartean.
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.