Carles Puigdemont

2024/08/07 - 20:00

Ikusmin ikaragarria Katalunian, Puigdemonten itzuleraren atarian

Salvador Illa sozialistaren inbestidura saioan parte hartzeko, bihar Parlamentean izan nahi du Carles Puigdemont Kataluniako presidente ohiak, eta gaur iragarri du "erbestetik itzulera abiatu" duela. Ikusmina sekulakoa da.

2024/08/07 - 14:09

Puigdemontek iragarri du Bartzelonara itzulera abiatu duela

Sare-sozialetan zabaldutako argitalpen batean, Kataluniako presidente ohiak jakinarazi du Kataluniara itzultzeko bidea abiatu duela, biharko inbestidura saioan parte hartzeko.

2024/08/07 - 13:43

Puigdemontek iragarri du bere itzulera abiatu duela eta bihar 09:00etarako deitu ditu hedabideak Bartzelonan

Sare-sozialetan zabaldutako argitalpen batean, Generalitateko presidente ohiak jakinarazi du Kataluniara itzultzeko bidea abiatu duela, biharko inbestidura saioan parte hartzeko.

2024/08/06 - 13:02

Illaren inbestidura airean, Puigdemont atxilotzen badute

Kataluniako presidente ohiaren itzultzerak Illa sozialistaren inbestidura kolokan jar lezake. Juntsek aurreratu du "inbestidura bertan behera uzteko" eskatuko diola Parlamentuko presidenteari, eta ERC prest agertu da onartzeko, baina "ahalik eta lasterren" egitearen alde egin du.

2024/08/05 - 17:12

ERCk "iraingarritzat" jo du Puigdemonten gutuna eta independentisten artean "gorrotoa piztea" egotzi dio

Asteburuan sare-sozialetan zabaldutako gutun batean, Kataluniako presidente ohiak bere balizko atxiloketaren erantzule izatea leporatu zion ERCri, PSCkin itxitako akordioagatik. Hitzok zuzentzeko eskatu diote gaur errepublikanoek JxCateko buruari.

2024/07/27 - 16:44

Puigdemontek berretsi du Kataluniara itzuliko dela inbestidura-eztabaidarako

Junts alderdiko burua alderdikideekin bildu da larunbatean Frantzia hegoaldean, eta honakoa esan du bere jarraitzaileen aurrean: "Estatu-kolpe batek bakarrik eragotziko dit joatea".

2024/07/09 - 15:51

Gorenak Puigdemonten kontrako ikerketa artxibatu du 'Tsunami Democratic' auziarekin lotuta

Auzitegi Nazionalak bezperan hartutako erabakiaren ildo beretik doa gaur Auzitegi Gorenak hartutako ebazpena. Garcia Castellon epailearen akats prozesal batek eragin du erabakia.

2024/07/09 - 13:39

Epaileak uko egin dio 'Errusiar trama' delakoan Puigdemonti amnistia emateari eta Gorenaren esku utzi du auzia

Errusiaren balizko esku-hartzeari buruzko Volhov delako auzian inplikatuta dauden gainerakoei ere amnistia emateari uko egin dio Joaquin Aguirre epaileak.

2024/07/09 - 12:02

Rovirak Kataluniara itzuli nahi du larunbatean, eta 'justizia poetikotzat' jo du Tsunami auzia artxibatu izana

Manuel Garcia Castellón epaileak 'Tsunami Democratic' auzia artxibatu eta biharamunean, ERCko idazkari nagusiak elkarrizketa batean adierazi du larunbat honetan alderdiko emakumeen ekitaldi batean egotea gustatuko litzaiokeela.

2024/07/08 - 23:44

Manuel Garcia Castellon epaileak 'Tsunami Democratic' auzia artxibatu du ANren erabakiaren ondotik

Epaileak azken hiru urteetan erabakitako eginbide guztiak baliogabetzen dituen Auzitegi Nazionaleko Zigor Arloko Aretoaren ebazpena ezagutu ostean hartu du erabakia, epaitegiak 2021eko uztailaren 30ean luzatu zuelako ikerketa, 24 ordu epez kanpo.

2024/07/08 - 18:38

Garcia Castellonek 'Tsunami Democratic' auzian 2021eko uztailetik ikertutako guztia baliogabetu du ANk

Gauzak horrela, Manuel Garcia Castellon instrukzio-epaileak 2021eko uztailaren 29tik aurrera erabaki zituen eginbide guztiak baliogabetzat jo ditu, orduan ikerketa beste sei hilabetez luzatzeko ebazpena eman zuen. Auzitegi Nazionalaren ustez, luzapena "garaiz kanpo" egindakoa izan zen.

2024/07/07 - 22:26

Junts, ERC, CUP eta erakunde subiranistak Puidgemontekin bildu dira Waterloon

Bost egun pasa dira Auzitegi Gorenak diru publikoa bidegabe erabiltzearen delitua Amnistiaren Legetik at utzi zuenetik. Kataluniako presidente ohiaren etxean egindako bileran, beraz, epaileek Amnistia Legeari jarritako trabei aurre egiteko jarraitu beharreko estrategiak aztertu dituzte.

2024/07/05 - 15:13

Fiskaltzak atzera egiteko eskatu dio Llarenari, eta amnistia aplikatzeko Puigdemonti delitu guztietan

Era berean, Kataluniako presidente ohia atxilotzeko agindua bertan behera utzi behar dela berretsi du.

2024/07/02 - 19:38

Alegriak legegilearen borondatea gogorarazi dio Gorenari Puigdemont ez amnistiatzeko erabakia hartu ostean

Pilar Alegriak berretsi du Amnistia Legearen testua "erabat argia" dela, baita legegilearen borondatea ere. Kataluniako Gobernuak legea "dinamitatu" nahi izatea leporatu dio Auzitegi Gorenari.

2024/07/02 - 19:18

Joaquin Aguirre epailearen aurkako kereila jarri du Puigdemontek, prebarikazioa egotzita

Generalitateko presidente ohiak, Josep Lluis Alay aholkulariarekin eta Gonzalo Boye abokatuarekin batera, magistratua ikertzeko eskatu dio Kataluniako Justizia Auzitegi Nagusiari, eta, bien bitartean, Errusiak prozesu subiranistan ustez izandako esku-sartzeari buruzko auzitik aldentzeko.

2024/07/02 - 18:23

Puigdemontek inbestidura saiora joateko asmoa du, abokatuaren arabera

Carles Puigdemonten abokatu Gonzalo Boyek esan duenez, Juntseko hautagaia inbestidura sesiora joango da, atxilotuta izateko beldurrik gabe. Abokatuak Auzitegi Gorena kritikatu du argudio politikoak erabiltzeagatik, aministia ez aplikatzeko erabakian.

2024/07/01 - 17:44

Puigdemont, Auzitegi Gorenak hartutako erabakiaren ondoren: "La Toga Nostra"

Josep Rull Kataluniako Parlamentuko presidenteak esan du "zitalkeria" dela, eta epaileek politika egitea deitoratu du. Era berean, Junts, ERC, EAJ, Sumar eta Podemosek Gorenaren erabakia kritikatu dute. PSOEk errespetua agertu du, nahiz eta ados ez egon, eta PPk eta Voxek ebazpena babestu dute.

2024/07/01 - 17:36

Gorenak uko egin dio Puigdemonti Amnistia Legea aplikatzeari eta atxilotzeko agindua mantendu du

Gainera, Pablo Llarena epaileak eutsi egiten dio Oriol Junqueras eta Kataluniako prozesuan zigortutako gainerako buruzagien inhabilitazioari.

2024/06/19 - 18:49

Rullek hauteskunde berrien erlojua martxan jarri du, ekainaren 26rako osoko bilkura deituta

Kataluniako Parlamentuko presidenteak iragarri duenez, Generalitateko presidente izateko hautagai bakar batek ere ez du inbestidurarako babes nahikorik; hori dela eta, osoko bilkura bat deitzea erabaki du bi hilabeteko atzerako kontaketa martxan jartzeko, inbestidurarik egon ezean.

2024/06/18 - 21:00

Kataluniako prozesuaren auzian diru publikoaren bidegabeko erabilera amnistiatzea onetsi dute fiskalek

Fiskalen Batzordeak aldeko 19 boto, kontrako 17 boto eta abstentzio bat eman ditu. Amnistia Legea indarrean dela, Kataluniako prozesuan auzipetu dituztenei amnistia emateko eskatu diote idatziz Auzitegi Gorenari.