Puigdemontek iragarri du bere itzulera abiatu duela eta bihar 09:00etarako deitu ditu hedabideak Bartzelonan
"Erbestetik itzulerako bidea" abiatu duela iragarri du gaur Carles Puigdemont Kataluniako presidente ohi eta JxCat alderdiko buruak —2017an egin zuen ihes, independentzia aldarrikatu eta Espainiako Estatuak hura atxilotzeko agindua eman ostean—, bihar Parlamentean egitekoa den Salvador Illaren inbestidura saioan parte hartzeko. ERCko eta Comunseko diputatuen botoekin, presidente izendatzeko babes nahikoa du hautagai sozialistak.
X sare-sozialean zabaldutako bideo batean egin du iragarpena Puigdemontek; horma zuri baten aurrean eta Europako eta Kataluniako banderak alboan dituela ageri da, mezua non eta noiz grabatua den jakiteko arrastorik utzi gabe. Bere hitzetan, "normaltasun demokratikoan" ez litzateke beharrezkoa diputatu batek inbestidura saiora joango dela iragartzea. "Baina gurean ez dira baldintza demokratikoak ematen", zehaztu du, "Auzitegi Gorenak Amnistia Legea aplikatzeari uko egiten diolako". "Desafio horri erantzun eta aurre egin behar diogu. Horregatik abiatu dut erbestetik itzulerako bidea. Ziur naiz errepresio politikoaren amaiera dela normaltasun demokratikorako bide bakarra", gehitu du.
Bere aldetik, JxCatek harrera-ekitaldia antolatu du biharko, Puigdemonti ongietorria egiteko. 09:00erako deitu ditu hedabideak, Lluis Companys pasealekuan, Parlamentetik oso gertu eta inbestidura saioa hasi baino ordubete lehenago. Josep Rull Kataluniako ganberako presidenteak jada iragarri du saioa bertan behera utziko duela, Puigdemont atxilotuz gero. "Atxilotzen badute, ezin dut onartu inbestidura saioa normal egitea", esan du.
Esquadra Mossoek segurtasun-dispositibo zabala ezarriko dute bihar, neurri zorrotzekin, Parlamentaren sarrera-irteerak zaintzeko. Independentziaren aldeko hainbat elkartek iragarri dute mobilizazioa biharko, eta baita Vox talde ultraeskuindarrak ere.
Auzitegi Gorenak ez dio Amnistia Legea ezarri nahi Puigdemonti, eta indarrean dauka hura atxilotzeko agindua.
ERC, harrera-ekitaldira
ERC alderdiak jakinarazi du presidente ohiari egingo zaion harrera-ekitaldira ordezkaritza bidaliko duela, eta, "exiliatu guztieikin egin duten bezala", Parlamentaren sarreran Esquerrako diputatuak prest egon direla Puigdemont hartzeko.
Agiri labur batean, alderdi errepublikanoak Puigdemonti Amnistia Legea ezartzea eskatu du. "Zure ondoan gaude. Etxean nahi zaitugu eta aske", idatzi du ERCk.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.