Rull: "Puigdemont atxilotzen badute, ezin dut onartu inbestidura saioa normal egitea"
Josep Rull Kataluniako Parlamentuko presidenteak ohartarazi duenez, Carles Puigdemont presidente ohia atxilotzen badute —Kataluniara bidean da, eta hura atxilotzeko agindua dute Mossoek— "ezin dut onartu inbestidura saioa normal egitea". Hori horrela, horren ustez, egokiena bilkura atzeratzea litzateke.
Vilaweb webguneari eskainitako elkarrizketa batean esan du "eginahalak" egingo dituela diputatu baten atxiloketa saihesteko. Izan ere, argudiatu du Parlamentua demokratikoki sakratua dela, eta ezin direla ezein diputaturen eskubideak mugatu. Azaldu duenez, hori defendatzeko "argudio juridiko irmoak" daude, eta Kataluniako Estatutua eta onartutako bi protokolo aipatu ditu, berbarako.
Polizia ganberan sartuko balitz egingo lukeenaz galdetuta, argi mintzatu da: "Puigdemont presidentea Parlamentuko lekurik seguruenean kokatuko nuke, nire bulegoan. Oso argi dut".
Kataluniako Parlamentuko presidentearen esanetan, inbestidura atzeratzearen erabakia berari dagokio, baina aitortu duenez, "Mahaiarekin adosten saiatuko nintzateke, erabaki irmoagoa izateko". Gogora ekarri duenez, 2018ko urtarrilean ere bilkura bat atzeratu zuten, Puigdemontena berarena, hain justu.
Inbestidura osteguneko 10:00etarako deituta
Ingurumari honetan, Kataluniako Parlamentuko Diputazio Iraunkorrak Illaren inbestidura saioa biharko 10:00etarako deitu du. Hautagai sozialistak bermatuta ditu presidente izendatzeko babesak, ERCk eta Comunsek bere alde egingo baitute.
Rullek berak atzo egindako proposamena da Diputazio Iraunkorrak onartu duena. PSC, Junst, ERC, Comuns eta CUP alderdietako kideek egin dute horren alde (19 boto), eta hiru abstentzio izan dira (PPC eta Vox).
Bilkuraren ordua baieztatu eta ia aldi berean, Carles Puigdemont Juntseko presidenteagaia eta Kataluniako presidente izandakoak iragarri du itzulera abiatu duela eta bihar 09:00etarako deitu ditu hedabideak Bartzelonan. Inbestidura saioa, beraz, ordubete geroago da egitekoa.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.