Epaiketak
2025/02/25 - 13:13
13 urte eta 6 hilabeteko espetxea ezarri diote Mario Lopez entrenatzaile ohiari, sexu-eraso jarraituengatik
Epaileak probatutzat eman du gutxienez 50 alditan elkartu zela Lopez adin txikikoarekin, eta horietan "sexu-izaerako jokabide ugari" izan zituela entrenatzaileak. Gainera, probatutzat jo da gero eta sarriago egiten zizkiola erasoak, eta gero eta bortziagoak zirela.
2025/02/24 - 22:05
299 adingaberi abusuak egiteagatik epaitutako zirujauak aitortu du ''ekintza gorrotagarriak'' egin zituela
Joël Le Scouarnec Frantziako mendebaldeko hainbat klinika pribatutan eta ospitale publikotan aritu zen lanean. Gaur Vannes hiriko Morbihango Krimen Auzitegiaren aurrean adierazi duenez, orain badaki "zauri horiek ezabaezinak eta konponezinak direla".
2025/02/24 - 12:49
Ayusoren bikotekideak deklaratzeari uko egin dio, haren abokatuek eskatuta
Ogasunari ustez egindako iruzurra epaitzeko auzian, Alberto Gonzalez Amador Madrilgo Erkidegoko presidentearen bikotekideak ez du epailearen aurrean deklaratu nahi izan. Epaitegietatik irtendakoan, Gonzalez Amadorrek kolpe txikia hartu du buruan, kameralari baten aurka talka eginda.
2025/02/20 - 16:46
Epaileak Jose Luis Abalosi pasaportea kendu dio eta 15 egunetik behin epailearen aurrera aurkeztera behartu
Ustelkeriaren kontrako Fiskaltzak egindako eskaera aintzat hartu du Leopoldo Puente epaileak. Kriminalitate zantzuak daudela-eta eskatu ditu behin-behineko neurriak fiskalak; PPren akusazio popularrak (gainerako sei akusazioak koordinatzen ditu) bat egin du eskaera horrekin.
2025/02/20 - 13:56
Epaile batek atzera bota du alabek jantokian menu beganoa izan dezaten familia batek egindako eskaera
Gipuzkoako Auzitegiak ebatzi du eskolako jantokiak menu beganoa ez emateak ez dituela alaben oinarrizko eskubideak urratzen. Familiak ez du baztertzen epaiaren aurkako errekurtsoa aurkeztea.
2025/02/14 - 17:02
Rubialesen eta beste hiru akusatuen epaiketa epaiaren zain gelditu da
9 jardunaldi, hogei bat lekuko eta kontrako bi bertsio egon dira. Espainiako Futbol Federazioko presidente ohiak uko egin dio azken hitza erabiltzeari, eta Vilda, Luque eta Riveraren defentsek, berriz, ukatu egin dute hertsapenik izan izana.
2025/02/13 - 18:37
Rubialesen abokatuak esan du Hermosok "bale" esan ziola musuari, eta hori onartzea dela
Azken txostenean, Olga Tubauk bi froga ditu absoluzio tesiaren oinarri: Rubialesek jokalariari "musu txiki bat" eskatu ziola baieztatu zuen ezpainen irakurketaren froga periziala eta partidaren ostean jokalariek ateratako bideo bat.
2025/02/12 - 17:40
Raimundo el Canastero musika-talde nafarraren aurkako epaiketa atzeratu dute
Lizarrako alkateak errekurtsoa jarri du eta indarkeria bultzatzea leporatu die. Prozesua bide penaletik joan daiteke eta kartzela-zigorra ere ezarri diezaiekete.
2025/02/12 - 17:06
Fiskalak Rubiales zigortzea eskatu du, "denean agintzen" zuelako presidenteak
Marta Durantez fiskalak esan du presidente ohiak onartu gabeko musua eman ziola Hermosori, eta "erabateko boterea" zuenez, horixe erabili zuela jokalaria hertsatzeko: "Bera eroriz gero, gainerakoak ere eroriko ziren".
2025/02/12 - 14:10
Nafarroako Auzitegiak urte eta erdi gehitu dio bikotekidea jo, bortxatu eta mehatxatu zuen gizonaren zigorrari
Indarkeria matxista egotzita, Lurralde Auzitegiak ezarritako epaiari helegitea aurkeztu zioten Fiskaltzak eta akusazio partikularrak, eta horren zati bat onartu du orain Nafarroako Auzitegi Nagusiak. Horrenbestez, 9 urte eta 11 hilabeteko kartzelaldia bete beharko du gizonak.
2025/02/11 - 13:31
Rubialesek epailearen aurrean esan du Hermosori "musutxo bat" eskatu ziola eta "baimena" eman ziola
"Musutxo bat eman ote niezaiokeen galdetu nion, eta baietz erantzun zidan. Horixe gertatu zen", esan du Espainiako Futbol Federazioaren presidente ohiak.
2025/02/10 - 12:47
Montse Tomek ziurtatu du ez zela zigorra izan Rubialesen musuaren ondoren Hermoso selekziora ez deitzea
Montse Tome Espainiako futbol selekzioaren hautatzailearen arabera, kirol arloko arrazoiengatik erabaki zuen 2023ko Munduko Futbol Txapelketaren ondoren Jenni Hermoso ez deitzea. Halaber, onartu du eragina izan zuela jokalariaren gainean zegoen presio mediatikoak ere.
2025/02/08 - 23:12
Raimundo el Canastero taldearen eta adierazpen askatasunaren aldeko manifestazioa eta kontzertua Lizarran
Ehunka gaztek bat egin dute larunbat arratsaldean Lizarrako Foruen Plazan amaitu den kalejirarekin, Nafarroako musika kolektiboaren eta adierazpen askatasunaren alde. Izan ere, otsailaren 12an epaituko dituzte talde horretako kideak beren kanten letrengatik. 237 musikarik euren babesa agertu diete.
2025/02/06 - 19:58
EAEko Auzitegi Nagusiak ez du onartu Udaltzaingoko euskararen epaiari Donostiako Udalak jarritako helegitea
Kasazio-errekurtso hori izapidetzeko ez onartzeak, de facto, irmo bihurtzen du Donostiako Udaltzaingoaren Prebentzio Iraunkorreko Unitatean bi lanpostu horien deialdia baliogabetu zuen ebazpena, euskarazko B2 hizkuntza-eskakizuna egiaztatzea baldintza gisa jartzea gaitzetsi zuena.
2025/02/05 - 13:50
Jenni Hermosoren nebak epaiketan berretsi du Vildak presionatu egin zuela musuari garrantzia ken ziezaion
Luis Rubialesen aurka Auzitegi Nazionalean egiten ari diren epaiketan, Rafael Hermosok onartu du gezurra esan zuela Espainiako Futbol Federazioko presidenteak arrebari emandako musuari garrantzia kenduz telebistan egin zuen agerraldian. Adierazi du arreba babesteko egin zuela.
2025/02/04 - 17:52
De la Fuentek ukatu egin du Rubialesek Hermosori musu eman eta hiru egunera egindako bileran parte hartu izana
Espainiako futbol hautatzaileari lekuko gisa egindako galdeketan tentsio uneak izan dira. Gainera, Fiskaltzak De la Fuenteren kontraesan batzuk nabarmendu ditu, eta "lekukotasun faltsuagatik" inputatzeko atea zabalik utzi du.
2025/02/04 - 13:59
Hermoso emakume ''oso manipulagarria'' dela esan du Espainiako Futbol Federazioko Komunikazio zuzendari ohiak
Pablo Garcia Cuervo Espainiako Futbol Federazioko Komunikazio zuzendari ohiak deklaratu du, besteak beste, Luis Rubialesen aurkako epaiketan. Deklarazioan, esan du Jennifer Hermoso emakume "eraginerraza eta manipulagarria" dela. Baimenik gabe Hermosori musu emateagatik ari dira epaitzen Rubiales.
2025/01/30 - 20:21
14 urteko zigor eskaera, Donostiako kiroldegi batean adingabe bati sexu-erasoa egin zion gizonarentzat
Erasoa 2024ko apirilean gertatu zen. Ustezko erasotzaileak, 62 urtekoa, bere biktimarekin kointziditu zuen kirol-instalazioko dutxetan, eta aldageletan eraso egin zion gero. Gizona behin-behineko espetxealdian dago.
2025/01/27 - 20:15
Artxibatu egin dute Getxoko Europa ikastetxeko irakasle baten kontra-sexu erasoengatik zabaldutako auzia
Epailearen arabera "ez dago froga nahikorik" ikerketarekin aurrera jarraitzeko. Lau urteko lau neskaren familiek jarri zuten salaketa iazko maiatzean.
2025/01/22 - 15:27
Gipuzkoako Auzitegiak Glovo banaketa enpresa zigortu du, 168 langile autonomo faltsu gisa kontratatzeagatik
Gaur kaleratutako epaiak dio Glovoren eta banatzaileen artean lan-harreman zuzena zegoela, eta ez merkataritza izaerakoa. Hala, Gizarte Segurantzari ordaindu gabeko kotizazioak eman beharko dizkio banaketa enpresak: 410.587,71 euro.