Abisu horia beroagatik gaur barnealdean, 36 ºC arteko tenperaturak izango ditugu eta

Eusko Jaurlaritzako Segurtasun Sailak abisu horia ezarri du gaurko muturreko tenperatura altuengatik Kantauri isurialdeko barnealdean. Maximoak 34 gradu ingurukoak izan daitezke eta abisua 13:00etik 19:00etara egongo da indarrean.

Aurreikuspenen arabera, tenperatura maximoak altu-altuak izango dira Euskadiko beste eremu batzuetan ere. Trantsizio-zonan eta Ebroren ardatzean 33 graduraino irits daitezke.

Kostan, berriz, maximoak freskoagoak izango dira, baina altuak hala ere, 29 gradura artekoak.

Nafarroan, Aemetek abisu horia ezarri du, tenperatura 36 ºC-ra irits daitekeelako.

Ostiralean iparraldeko tenperatura maximoak nabarmen jaitsiko dira eta ez du berorik egingo han. Hegoaldean baliteke altuak apur bat jaistea, baina 30 ºC-tik gorako izango dira leku gehienetan. Egunaren hasieran zerua garbi egongo da baina goizean Kantauri isurialdean behe-hodeiak ugaritu egingo dira eta zerua hodeitsu geratuko da han. Arratsaldearen amaieran hegoaldean ere zabaldu daitezke behe-hodeiak, batez ere Araban. Goizetik aurrera ipar-haizea ibiliko da, eta bolada gogorrak izango dira arratsaldean.

Larunbatetik aurrera zerua are gehiago lainotuko da, eta freskatzera joko du.