ERC

2024/03/28 - 14:38

Auzitegi Nagusiak atzeratu egin du ERCko karguen epaiketa, U-1agatik, Kataluniako hauteskundeak ez oztopatzeko

ERCk txalotu egin du erabakia, baina deitoratu du "nahikoa arrazoi ez izatea epaiketa bertan behera uzteko, ezta Parlamentuko osoko bilkurekin bat etortzea ere, ezta Amnistia Legea laster indarrean sartzea".

2024/03/25 - 14:36

Kataluniarentzat "EAEren eta Nafarroaren eredu berezia" defendatu du Aragonesek, "ez gehiago, ez gutxiago"

Generalitateko presidentearen aburuz, Katalunia finantzatzeko egin duen proposamenak Espainiako Gobernuaren eta Kataluniako Gobernuaren arteko aldebiko harremana oinarri beharko luke izan.

2024/03/24 - 17:35

ERC eta PSOE erreferendumari buruz hitz egiten ari direla esan du Rovirak

Esquerra Republicanako idazkari nagusiak 'El Periodico' egunkariari emandako elkarrizketa batean adierazi duenez, amnistia "prest" dagoen honetan, "bigarren faseari heltzeko garaia da: autodeterminazioaren faseari, alegia".

2024/03/19 - 21:34

Kataluniako Gobernuak zerga guztiak biltzea proposatu du, eta Espainiak erkidego guztiei zabaldu die errefoma

Natalia Mas Ekonomia eta Ogasun kontseilariak azaldu duenez, "finantziazio bereziaren" proposamenak Generalitateak erkidegoan ordaintzen diren zergen % 100 biltzea jasotzen du, lurraldeen arteko elkartasun mekanismoarekin.

2024/03/19 - 20:17

Kataluniak zerga guztiak biltzea eta Estatuko "orekari" ekarpena egitea proposatu du Generalitateak

Horrela, Katalunia zergen % 9 jasotzetik guztiak biltzera pasako litzateke. Generalitateak urtean 52.000 milioi euroko diru-sarrera potentzialak suposatuko lituzkeela uste du, egungo finantzaketa-ereduaren bikoitza.

2024/03/19 - 18:11

"Eskumenak urratzen dituzten" Etxebizitza Legearen artikuluak kentzeko eskatu diote Espainiako Gobernuari

PPren ekimenak Vox, Junts eta EAJren babesa izan du Etxebizitza Batzordean, eta ERC abstenitu egin da; PSOEk, Sumarrek, Podemosek eta EH Bilduk, berriz, kontra bozkatu dute.

2024/03/18 - 21:44

Garcia Castellon epaileak 'Tsunami Democratic' terrorismoagatik ikertzen jarraitzea babestu du ANk

Otsailaren 29an Auzitegi Gorenak Puigdemont auzipetu zuen terrorismoa leporatuta, eta ANri bideratu zion forugabeak ikertzeko eskumena. Fiskaltzak auzi guztiak Kataluniako auzitegietara bidaltzea defendatu zuen, terrorismoa baino desordena publikoak izan zirela argudiatu.

2024/03/14 - 18:48

Eta orain zer? Teorian bi hilabete, amnistia legea epaileen irakurketaren menpe geratu arte

Aurreikus daitekeenez, Senatuak, PPren gehiengo osoarekin, legea blokeatuko du, eta testuak Kongresura itzuli beharko du, PSOEk eta bere bazkide politikoek beto hori bertan behera utz dezaten eta araua behin betiko onar dezaten.

2024/03/14 - 16:50

Amnistia Legea, onartuta

Gehiengo osoarekin onetsi dute testua, PSOEren eta bere bazkideen 178 aldeko botoekin. Kontrako 172 boto izan dira, PP, Vox, UPN eta CC alderdienak.

2024/03/14 - 14:56

Amnistia Legeak Kongresuaren oniritzia jaso du

Kongresuko osoko bilkurak Amnistia Legeari oniritzia eman dio, aldeko 178rekin eta kontrako 172rekin. Araua Senatura pasatuko da, Junts eta ERCrekin adostutako aldaketekin aldatu ondoren.

2024/03/14 - 08:59

Amnistia Legeak Kongresuaren oniritzia jasoko du Kataluniako hauteskundeak aurreratu eta biharamunean

Horrela, Pedro Sanchezen inbestidurari babesa ematearen truke, PSOEk Kataluniako bazkideei agindutako lege giltzarria Senaturako bidean aterako da.

2024/03/13 - 18:29

Aragonesek hauteskundeak maiatzaren 12ra aurreratu ditu, Parlamentuak aurrekontuak atzera bota ondoren

Generalitateko presidenteak kritikatu egin du Parlamentuak aurrekontuen proiektua atzera bota izana indar politikoen "beto gurutzatuengatik", salatu duenez, "arduragabekeriaz" jokatu dutelako.

2024/03/07 - 15:17

Justizia Batzordeak Amnistia Legea onartu du, PSOEk, Juntsek eta ERCk adostutako aldaketekin

Aurreikusi bezala, inbestidurako bazkideen aldeko botoa izan du arauak, eta PPk eta Voxek kontra bozkatu dute. Testua martxoaren 14an eztabaidatu eta bozkatuko dute osoko bilkuran.

2024/03/07 - 14:47

Zigor Kodea barik, EBko araudia aplikatuko du Amnistia Legeak terrorismo delituen kasuan

PSOEk, ERCk eta Juntsek adostu duten erdibideko zuzenketaren arabera, "benetako mehatxu" izan ziren ekintzak joko dira traizio gisa, eta ondasun publikoak bidegabe erabiltzea "aberasteko asmoa" egon zenean.

2024/03/07 - 13:37

ERC: ''Amnistia legea ez da amaiera puntua''

ERCk ohartarazi duenez, amnistiaren legearen akordioa "ez da amaiera puntua". "Kataluniako gatazka politikoaren bigarren negoziazio-fasearekin laguntzen digu", adierazi du Teresa Jordak.

2024/03/07 - 12:06

Amnistia Legeak ''historia egingo du'' eta garai berri bat ekarriko du Kataluniarentzat, Bolañosen hitzetan

Felix Bolaños Espainiako Gobernuko Presidentetza ministroak agerraldia egin du PSOEk alderdi katalanekin adostu duen legearen balorazioa egiteko. Horren ustez, ezberdin pentsatzen dutenekin akordioa lortzeko gai den "gobernu ausart" baten emaitza da, "gatazka atzean uzteko".

2024/03/06 - 21:08

PSOEk, ERCk eta Juntsek amnistia legerako akordioa lortu dute

Agiri bateratu batean, hiru alderdiek adierazi dute transakzio-zuzenketa bat adostu dutela, bizirik zeuden zuzenketak oinarri hartuta. Juntseko iturriek ziurtatu dutenez, legeak Europako estandarretara egokitutako terrorismo eta traizio delituak jasoko ditu.

2024/03/01 - 18:26

EH Bildu, ERC, Sumar eta Podemosek adierazpen bat sinatu dute Pablo Gonzalez "berehala" epaitzea eskatzeko

Otsailaren 15ean, Lublingo Apelazio Auzitegiak beste hiru hilabetez luzatu zuen kazetariaren espetxealdia, eta oraindik ez dute epaitu.

2024/02/29 - 14:31

Gorenak Puigdemont auzipetu du "terrorismoa" leporatuta, 'Tsunami Democratic' auziari lotuta

Eurodiputatua ez ezik, epaileak Ruben Wagensberg Kataluniako Parlamentuko diputatua ere ikerketapean jarri du. Goreneko Fiskaltzaren irizpidearen aurka hartu du erabakia. Generalitateko presidente ohiak "Espainiako Matrix judiziala" salatu du.

2024/02/27 - 22:11

Espainiako Gobernuak eta haren bazkideek sekretu ofizialen legearen erreforma berriro bultzatzea babestu dute

Hala ere, ez da adostasunik lortu dokumentuak desklasifikatzeko epeen inguruan. EAJk berriro ekarri duen lege-proposamena da. Espainiako Gobernuak 2022an aurreproiektu bat onartu zuen, baina azkenean bertan behera geratu zen hauteskundeak aurreratzearen ondorioz.