Kataluniarentzat "EAEren eta Nafarroaren eredu berezia" defendatu du Aragonesek, "ez gehiago, ez gutxiago"
Pere Aragones Generalitateko presidenteak nabarmendu duenez, Katalunia finantzatzeko egin duen proposamena "Euskadik eta Nafarroak duten eredu berezia"ren pareko izan beharko litzateke, "ez gehiago, ez gutxiago", erantsi du.
Finantzazio proposamena azaltzeko prentsaurrekoa eskaini du gaur Aragonesek, Natalia Mas Generalitateko Ekonomia eta Ogasun kontseilariarekin batera.
Aragonesen esanetan, euren asmoa da finantzazio molde berri horrek Espainiako Gobernuaren eta Generalitatearen arteko aldebiko harremanaren oinarri izan beharko luke. Generalitateak berak bildu beharko lituzke Kataluniako zorrak, eta ondoren, dirua nora bideratu erabaki. Izan ere, uste du "Kataluniak zer egin behar duen beste batzuek mahai baten bueltan erabakitzea" akordio txar baten seinale da. Hala, azpimarratu duenez, Kataluniako zerbitzu publikoak "ezin dira baroi sozialisten edo Alderdi Popularreko buruzagien menpe egon".
Finantzazio propioa izatea pribilegioa dela dioten horiei erantzunez, ERCko burua ere badenak esan du ez dela egia. "Defizitarekin amaitzea? Bidezkoa ez den egoera batekin amaitzea? Hori ezin da inoiz pribilegioa izan, betebeharra da, justizia auzi bat", defendatu du.
Bestalde, Natalia Mas kontseilariak zehaztu du Kataluniako ekonomia Espainiako eta EBko ekonomiak baino gehiago hazten ari dela, baina defizit fiskalaren ondorioz, Barne Produktu Gordinaren (BPG) ehuneko txikiagoa bideratzen da osasunera edo hezkuntzara. Masek emandako datuen arabera, 3.800 milioi euro bideratu beharko lirateke hezkuntzara, eta 10.000 bat osasunera. Deitoratu duenez, Kataluniak ez du sozietateen gaineko zergaren funtsak jasotzen eta hori "irregulartasun" bat da nazioartean.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.