Europan "estaturik gabeko nazioen" ahotsa izan nahi dute EH Bilduk, ERCk, BNGk eta Ara Mesek

Orain Errepublikak izenpean aurkeztuko dira lau indarrak ekaineko bozetan. Duela lau urte formula berarekin egin zuten euskaldunek, katalanek eta galiziarrek, baina oraingoan balearrak batuko zaizkie. Pernando Barrenaren ustez, "ultraeskuinari aurre egiteko" tresna izango da koalizioa.

Lau indarretako ordezkariak, gaurko aurkezpenean. Argazkia: @ehbildu

Agentziak | EITB Media

2024/03/27 - 14:57

Azken eguneratzea

2024/03/28 - 15:01

EH Bildu, ERC, BNG eta Ara Mes taldeak koalizioan aurkeztuko dira Europako hauteskundeetara, eta gaur sinatu dute koalizio akordioa. Duela lau urte bezala, Orain Errepublikak izenpean aurkeztuko dira hiru indarrak, eta oraingo honetan Balearretako aliantza batuko zaie. Hortaz, aliantza "indartsuagoa eta anbiziotsuagoa" osatu dute, Europan "estaturik gabeko nazioen" ahotsa izateko asmoz.

Koalizio akordioa izenpetzeko ekitaldia Bartzelonan egin dute, ERCk Kataluniako hiriburuan duen egoitzan.

Aurkezpen ekitaldian izan dira Pernando Barrena europarlamentari eta EH Bilduko zuzendaritza politikoko kidea, Oriol Junqueras ERCko presidentea, Diana Riba eurodiputatu eta zerrenda burua, Ruben Cela BNGren Nazioarteko Harremanetarako zuzendaritzako burua eta Mateus Mates Ara Meseko koordinatzailea.

Diana Riba hautagaiak nabarmendu duenez, Europar Batasunean "estaturik ez duten nazioen alde" arituko dira. Ribaren ustez, Orain Errepublikak koalizioak "nazio libre, justu, berde, feministen" alde jardungo du, eta "ultraeskuina geldiarazteko" eginahalak egingo ditu.

Pernando Barrenak azpimarratu duenez, legegintzaldi honetan "erronka handiak" dituzte aurretik eta, besteak beste, "Europako integrazio proiektuaren etorkizuna" argitzeko balioko du. EH Bilduk "jarrera europazale" batekin aurre egingo dio erronka horri, eta Barrenak azpimarratu du Europako herrien autodeterminazio eskubidea gauzatzeko lanean jarraituko dutela Europako Parlamentuan. "Austeritate" politikei aurre egin ez ezik, giza segurtasunaren alde jardungo dutela adierazi du, beti ere, nazioarteko zuzenbidea errespetatuz eta bakearen defentsa eginez, "NATOz, gerraz eta militarismoaz hitz egiten digutenen aurrean".

Hori lortzeko lehen pausoa eskuin muturrari aurre egitea dela uste du: "Orain Errepublikak aukera ona izango da boto antifaxistarentzat".

Oriol Junqueras ERCko presidenteak, bere aldetik, Europaren garrantzia azpimarratu du nazio aitortzari dagokionez ez ezik, hizkuntza eta politika sozialen arloan ere.

BNGko ordezkariaren ustez, koalizioa "oso baliagarria" izan zen aurreko hauteskundeetan, eta indar subiranisten arteko elkarlanarekin konektatzen du.

Ara Mesek, berriz, koaliziora gehitzeko erabakia defendatu du: "Gure proiektu politikoa sendotzeko emandako pauso irmoa, ez inoren aurka".

2019ko bozetan Oriol Junqueras ERCko presidentea, kartzela zela, izan zen zerrendaburu. Esan bezala, errepublikanoek, EH Bilduk eta BNGk osatu zuten koalizioa; Mes per Mallorca taldea Compromisekin batera aurkeztu zen Europako hauteskundeetara.

Zure interesekoa izan daiteke

SEVILLA. 17/05/2026.- El candidato a la presidencia de la Junta de Andalucía por el PP, Juanma Moreno, en las puertas de la sede de su partido en Sevilla, donde ha celebrado los resultados electorales andaluces de este domingo. EFE/ Raúl Caro.

Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”

PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk bere nagusitasuna berretsi du, baina Vox beharko du berriro.

GERNIKA (BIZKAIA), 18/05/2026.- La Casa de Juntas de Gernika ha acogido este lunes la conmemoración del V Centenario del Fuero Nuevo de Bizkaia, que afianzó un sistema de autogobierno único, basado en usos, franquezas y libertades provenientes de la costumbre, en un acto presidido por el lehendakari, Imanol Pradales (en la imagen). EFE/Miguel Toña

Bizkaiko Foru Barriaren bosgarren mendeurrenaren ospakizuna, Gernikako Batzar-etxean

Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.

PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du

PPk "historikotzat" jo du hauteskundeetako emaitza. Sozialistek, aldiz, onartu dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluziarekin batuta "emaitza txarragoak" lortuko zituela.

Bilbo 2030eko Munduko Futbol Txapelketa hartzeko hautagai izateari buruzko zalantzak dituela onartu du Etxanobek

Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz.

Zuzenean: Bizkaiko Foru Barriaren bosgarren mendeurrenaren ospakizun ekitaldia

Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.

Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"

Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".

gernika_gernikako_arbola_juntetxea_inbestidura_lehendakaria_julen_iturbe

Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian

Gaurkoan Orain-en albiste izango direnen laburpena, bi hitzetan.

Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek

Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.

PPk irabazi ditu Andaluziako hauteskundeak, baina gehiengo absolutua galdu du

PPk 58 eserleku zituen eta 53 eskuratu ditu oraingoan, gehiengo absolutua baino bi gutxiago. PSOEk 28 diputatu lortu ditu, aurreko hauteskundeetan lortutako 30 diputatuak baino bi gutxiago. Vox izan da hirugarren indarra, 14 eserlekurekin; eta ezkerreko Adelante Andalucia, laugarren, 2 eserlekutik 8ra igarota. Por Andalucia ezkerreko koalizioak zituen 5 eserlekuei eutsi die.

Inkesten arabera, gehiengo osoa lortuko luke Juanma Morenoren PPk Andaluzian

PPk 58 eserleku zituen orain arte, eta 56-59 artean eskuratuko lituzke, bakarrik gobernatzeko beharrezkoak diren 55 eserlekuen gainetik. PSOE jaitsi egingo da, 30etik 26-29ra.