Ertzaintza

Ertzaintzarako eta Udaltzaingorako lan-eskaintza publikoan izandako emaitza txarrak direla eta, sindikatuek eta Segurtasun Sailak beste azterketa bat deitzea adostu dute. Udazken partean egingo dute, osagarri gisa. ErNE sindikatuaren idazkari nagusi Sergio Gomez de Segurak eta Ertzaintzako Esan sindikatuaren bozeramaile Iñaki Uragak hautaketa-prozesuetan aldaketak egiteko eskatu diote Arkautiko akademiari.

380 pertsonak soilik lortu dute prozesuaren bigarren fasean sartzea, eskaintzen diren 650 plazak baino dezente gutxiago. Hala, 300 bat plaza bete gabe geratuko lirateke. Ertzaintzak eta EAEko 25 udalerrik batera egin dute lan-eskaintza, eta pandemiaz geroztik egin den LEP handiena da.

Aitor Esteban EBBko presidenteak EAJren sorreraren 130. urteurrena ospatzeko ekitaldian parte hartu du. "Ertzaintza da gure erakunderik preziatuenetako bat", adierazi du ekitaldian.

"Barregarria da kale borrokako asaldatzaile horiek autoritarismoaz eta iraganeko logikaz hitz egiten entzutea", erantsi du. "Nortzuk eta horiek izango dira guri demokrazia eta tolerantzia lezioak emango dizkigutenak, bai zera!", azpimarratu du.

Eusko Jaurlaritzako Segurtasun Saila gorpuari egin zaizkion frogen emaitzen zain dago, nor ote den jakin nahi baitu. Hala ere, jantziak eta ezaugarri fisikoak bat egiten dute maiatzean desagertutako 72 urteko emakumearenarekin, eta, beraz, utzi diote bilatzeari.

Eusko Jaurlaritzak "babes osoa" adierazi die Bingen Zupiria Segurtasun sailburuari eta Ertzaintzako eta udaltzaingoetako profesional guztiei, azken egunetan haien aurka izandako eraso eta pintadak direla eta. "Kezkatu egiten gaitu gertakari larrien aurrean isiltzea edo garrantzia kentzea erabakitzen duten arduradun politikoak egoteak", nabarmendu du Maria Ubarretxenak gobernu bileraren osteko prentsaurrekoan. Gainera, erantzukizunerako deia egin du, jaiak "errespetuz eta askatasunez" gozatzeko. 

Iñigo Ansola EAJren BBBko presidenteak gogor gaitzetsi ditu Ertzaintzaren eta Bingen Zupiria sailburuaren aurka Hernanin izandako pintadak, eta EH Bilduri zuzendu zaio esanez badela "garaia Bilduk behingoz esateko Ertzaintza hau demokratikoa dela". 

Larunbatean agertutako pintaketak gaitzetsi dituzte ordezkari politikoek eta sindikatuek.

Hainbat esaldi margotu dituzte herriko frontoiko paretetan; horien artean, "hilda hobe", “Vicente Zupiria txakurraren jabia”, “ertzainak borroka tiro en la boka” eta “ertzaina exterminio”.

EAJren ustez, EH Bilduk "beste pauso bat eman du" Ertzaintza polizia demokratikoa ote den zalantzan jarrita, eta Ertzaintza eta udaltzainak jarrera "arduragabean" jartzea egotzi dio koalizio soberanistari.

Era berean, protestarako eskubidearen defentsa aldarrikatu dute elkarretaratzean. Gainera, Gazte Koordinadora Sozialistako ordezkariek azpimarratu dutenez, atzo gertatutakoak "argi uzten du, beste behin ere, nor den segurtasun arazoak sortzen dituena: Polizia bera, protesta sozialen aurka eginez".

Koalizio subiranistak "polizia eredua berrikustea eta sakon erreformatzea" eskatu du. Izan ere, EH Bilduren ustez, polizien azken esku-hartzeak ez dira "proportzionalak eta kalte handiagoak prebenitzeko egokiak" izan. PPk, ostera, uste du arazo bat dagoela "ezker erradikalarekin, EAJk aurre egiten ez jakiteaz gain, elikatzen eta animatzen laguntzen ari dena".

Gaurkoan albiste izango direnen laburpena, bi hitzetan.

GKSk elkarretaratzea deitu du gaurko, 18:00etan, Andre Maria Zuriaren plazan, atzo jasandako "errepresio poliziala" salatzeko. Ertzaintzaren arabera, ez zuten eman kanpaldia egiteko asmoaren berri aldez aurretik. Desordena publikoak eragitea egotzi diete atxilotutako gazteei.

Gazte Koordinadora Sozialistak eta Etxebizitza Sindikatu Sozialistak kanpaldia hasi dute Andre Maria Zuriaren plazan, txosnagunean parte hartzen uzten ez dien "beto politikoaren" aurka protesta egiteko.

Euskal Polizien Elkartasunak kritikatu egin du erakundeek ez dituztela jagoten, eta "babesgabe" daudela. Langile eta baliabide falta salatu dute, eta Azpeitiko alkatearen adierazpenek gazteei "autoritatea errespetatu gabe, nahi dutena egiteko askatasuna" ematen dietela uste dute.

Ainhoa Domaica PPren legebiltzarkideak kontratua izan du hizpide; izan ere, "kontrako" txostena jaso arren, esleitu egin zen, 21 milioiren truke, Next Generation funtsek finantzatuta.

Segurtasun sailburuak azaldu duenez, "eskuburdinak eta walki-talkieak lapurtu zituzten", eta ertzainei eraso egin zieten, eta tartean bi zauritu izan ziren. Azpeitian jardun zuten ertzainek kamerak zeramatzaten soinean, eta, beraz, grabazioak daude zer gertatu zen egiaz ezagutzeko.

Bingen Zupiria Eusko Jaurlaritzako Segurtasun sailburuak adierazi duenez, "ezin da onartu herri honetan Ertzaintzaren existentzia zalantzan jartzen duen mugimendurik egotea", ezta ezta "espazio publiko batean ertzain bat egotea arazotzat hartzen duen pertsonarik egotea" ere.

Imanol Pradales lehendakaria, Bingen Zupiria Segurtasuneko sailburuak lagunduta, Ertzaintzaren flota berrituaren helikoptero berria aurkezteko eta inaugurazio-hegaldirako egingo den ekitaldiaren buru izan da., Iurretako basean. Azken belaunaldiko helikopteroa da, mendian edo itsasoan istripua izan duten pertsonak bilatu eta erreskatatzeko eta zaintza- eta segurtasun-lanetarako bereziki hornitua.

Maria Ubarretxenak Jaurlaritzaren "erabateko gaitzespena" adierazi du joan den asteburuan Azpeitian gazte talde handi batek eragindako istiluen aurrean. Gazte horiek udaltzainak eta ertzainak eraso egin zituzten. Gobernu Kontseiluaren osteko prentsaurrekoan, Eusko Jaurlaritzako bozeramaileak Jaurlaritzaren babesa helarazi die "bai Ertzaintzari bai Azpeitiko Udaltzaingoari".